الغياب

[ماجد المحياني]

السلام عليكم ورحمة الله وبركاته
قصيده متواضعه أتمنى أن تنال أعجابكم

ياحبيبي عطني أسباب الغياب = دام باقي للجفا عندي صبر
شاعرك واقف على باب العتاب = ما قدر في دفتره يكتب شطر
المعاني تحتظر والقاف شاب = وأختلط عجز القصايد في الصدر
غيبتك ساقت على القلب العذاب = وأشعلت ليل التوجد والسهر
ماأريد أقول فيك الظن خاب = لن هذا هو موتي والقهر
أنشد النسناس عنك والسحاب = وأنشد الرعاد لا هل المطر
ماخبر للحب عندي غير باب = أنتظرتك جالسن عنده شهر
ألمحك وأعيد وأشوفك سراب = ياربيع القلب مدري يادهر
ليه تسعى للتجافي والخراب= وليه تركز رمح بعدك في النحر
وليه تتركني بلا علم وجواب= وليه تدفع خاطري يم الكدر
صرت أهوجس وأعتلي روس الهضاب = وصرت أفضفض للشواطي والبحر
وصرت أشوف الصبح في لون الغراب = وصرت أشوف الكذب في عيون البشر
أبتدى شمع التلاقي في الذواب = وأشتكى سور الحدايق للزهر
ياحبيبي فيك يامحلى الخضاب = ياشبيه الريم لامنه حضر
لاتحول بسمتك للفين ناب = ولاتغير نور وجهك ياقمر
تدري أن القلب مدميه الصواب = وتدري أن الشيب في رأسي ظهر
أروني نبع الوصل تلقى ثواب = كان تطمع في المثوبه والأجر
وأفتح بوصلك تباشير الكتاب = وأرحم اللي يسهرك حتى الفجر
ياتجيه وتسعده عقب الغياب = أو تخلي صورتك فوق القبر

[أبو مرحبا]

قصيده رائعه

صح السانك


تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد النفيعي511]

[محمد بن غازي]

صح لسانك ياماجد ... ورد غايبك سريعاً ....

ولاتحرمنا من جديدك ...

[الاصمعي]

صح السانك ... ياماجد المحياني..

[فواز علي الروقي]

صح لساااانك لاهنت تقبل تحياتي

[ماجد المحياني]

أخوي أبو مرحبا أشكرك على مرورك الطيب والله لايهينك

محمد النفيعي يعطيك العافيه وأنا أخوك

[ماجد المحياني]

أبو غازي شرفتني في مرورك

وبيض الله وجهك

[ماجد المحياني]

الأصمعي صح بدنك ومشكور وأنا اخوك

فواز الروقي مرورك شرف لي وتبقى هرم من أهرام الشعر في المنتدى . الله لايهينك

[هايل الهيلا]