عـبـدالله الـسـمـيري ×× فـيصل الرياحي

[وافي الخماش]

السلام عليكم ورحمة الله وبركاته محاورة للشاعر عبدالله السميري وفيصل الرياحي اتمنى ان تنال على اعجابكم ..

عبدالله السميري

يافيصل راجع عبدالله , كل الوقـت المقبـل كلـه=
واللي مايدري رح قله , قل مـن دورهـا يلقاهـا =
ترى ماانت بلاعب كورة , شاعر واحوالك مستوره=
تأخذ لفة تأخـذ دورة , مـن دور حاجـة يلقاهـا =

فيصل الرياحي

ياعبدالله ياماشاء الله , لا تكسر فنجـال الدلـة=
اي بالله يااخوي اي بالله , من دور حاجة يلقاها =
انا ماني لاعب كورة , والكوره عندي منكوره=
لاتقرب حاجة محظورة , واللي دورها يلقاها =

عبدالله السميري

فنجال الدله فنجالي , حتى لـو تقفـون قبالـي=
يالعيه رح قل للعالي , قل من دورهـا يلقاهـا =
احسب انك رجل واعي , واثرك عيه مالك داعي=
لاانت بشيخ ولاانت براعي , ومن دورها يلقاها =

فيصل الرياحي

الله محلى هالنظارة , فـوق عيونـك ياخسـارة=
لاتنكبنا في الطيـارة , واللـي دورهـا يلقاهـا =
يارشيد امسك ذا الجني , لاني منه ولاهو منـي=
في مجنونك وش دخلني , ومن دور حاجة يلقاها=

عبدالله السميري

أبي امشي لك هذيه , واحظر لا تخطي عليـه=
وليا نكست الطاقيه , من دور حاجـه يلقاهـا =
مجنونٍ ضد مجننكم , وانا شاعر غصبٍ عنكم=
من أيسركم لين ايمنكم , من دور حاجة يلقاها =

فيصل الرياحي

ماانت الاول ما انت الثاني , رح في حالك لا تبلاني=
ابلشنـي ذا يالعتبانـي ,مـن دور حاجـة يلقاهـا =
يامكبرها يامعبرها , ولدت بقعـاء مـن منخرهـا=
جاين ساري وتدورها , مـن دور حاجـة يلقاهـا =

عبدالله السميري

ياجازي الحسنة بالسية , كانك عيه مانـي عيـه=
مير أخذ الكية بالكية , من دور حاجـة يلقاهـا =
بقعاء ولدت بك قدامي , ماانت بخلافي قدامـي=
مير اخضع للآمر السامي , من دور حاجة يلقاها=

[ابو شرف]

لاهنت بيض الله وجهك

[/عبد العزيز الجذع/]

اثر اسميري يلعب محاورة...



الف شكر يالغالي على النقل...


والله يعطيك العافية..

[وافي الخماش]

المشاركة الأصلية كتبت بواسطة ابو شرف

لاهنت بيض الله وجهك

وجهك ابيض ولا عدمناك يالذيب ..

[وافي الخماش]

المشاركة الأصلية كتبت بواسطة /عبد العزيز الجذع/

اثر اسميري يلعب محاورة...



الف شكر يالغالي على النقل...


والله يعطيك العافية..

يعافيك ربي ولا عدمناك ..

[بدر الكريزي]

""

والله ماهوب هـيّـن السميري .. توني أدري إنه يلعب محاورة ..

تسلم على النقل يا وافي ..

وعاافك الله ..


أخوكـ

""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[وافي الخماش]

المشاركة الأصلية كتبت بواسطة بدر الكريزي

""

والله ماهوب هـيّـن السميري .. توني أدري إنه يلعب محاورة ..

تسلم على النقل يا وافي ..

وعاافك الله ..


أخوكـ

""

الله لا يهينك يالكريزي يسعدني مرورك وتواصلك ..

[عبدالسلام النخيش]

السميري مصيبه والله مصيبه
الله يوفقه
لاهنت عالنقل وبيض الله وجهك

[وافي الخماش]

المشاركة الأصلية كتبت بواسطة عبدالسلام النخيش

السميري مصيبه والله مصيبه
الله يوفقه
لاهنت عالنقل وبيض الله وجهك

مشكور على المرور ..

[حمـد المقاطي]

والله مهوب بسيط السميري

عز الله أنه شاعر

واتمنى أنه يدخل مجال المحاورة

ولاهنت يا وافي

يعطيك العافيه

التوقيع

بكل مكان لنا أحباب .. ويصعب علي الفراق .. لربما في يوم نلتقي ونعاود ذكرى الأحباب . !! سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ . !!