يافيصل راجع عبدالله , كل الوقـت المقبـل كلـه=
واللي مايدري رح قله , قل مـن دورهـا يلقاهـا =
ترى ماانت بلاعب كورة , شاعر واحوالك مستوره=
تأخذ لفة تأخـذ دورة , مـن دور حاجـة يلقاهـا =

ياعبدالله ياماشاء الله , لا تكسر فنجـال الدلـة=
اي بالله يااخوي اي بالله , من دور حاجة يلقاها =
انا ماني لاعب كورة , والكوره عندي منكوره=
لاتقرب حاجة محظورة , واللي دورها يلقاها =

فنجال الدله فنجالي , حتى لـو تقفـون قبالـي=
يالعيه رح قل للعالي , قل من دورهـا يلقاهـا =
احسب انك رجل واعي , واثرك عيه مالك داعي=
لاانت بشيخ ولاانت براعي , ومن دورها يلقاها =

الله محلى هالنظارة , فـوق عيونـك ياخسـارة=
لاتنكبنا في الطيـارة , واللـي دورهـا يلقاهـا =
يارشيد امسك ذا الجني , لاني منه ولاهو منـي=
في مجنونك وش دخلني , ومن دور حاجة يلقاها=

أبي امشي لك هذيه , واحظر لا تخطي عليـه=
وليا نكست الطاقيه , من دور حاجـه يلقاهـا =
مجنونٍ ضد مجننكم , وانا شاعر غصبٍ عنكم=
من أيسركم لين ايمنكم , من دور حاجة يلقاها =

ماانت الاول ما انت الثاني , رح في حالك لا تبلاني=
ابلشنـي ذا يالعتبانـي ,مـن دور حاجـة يلقاهـا =
يامكبرها يامعبرها , ولدت بقعـاء مـن منخرهـا=
جاين ساري وتدورها , مـن دور حاجـة يلقاهـا =

ياجازي الحسنة بالسية , كانك عيه مانـي عيـه=
مير أخذ الكية بالكية , من دور حاجـة يلقاهـا =
بقعاء ولدت بك قدامي , ماانت بخلافي قدامـي=
مير اخضع للآمر السامي , من دور حاجة يلقاها=

المشاركة الأصلية كتبت بواسطة ابو شرف (المشاركة 685911) لاهنت بيض الله وجهك

المشاركة الأصلية كتبت بواسطة /عبد العزيز الجذع/ (المشاركة 685932) اثر اسميري يلعب محاورة... الف شكر يالغالي على النقل... والله يعطيك العافية..

المشاركة الأصلية كتبت بواسطة بدر الكريزي (المشاركة 687061) "" والله ماهوب هـيّـن السميري .. توني أدري إنه يلعب محاورة .. تسلم على النقل يا وافي .. وعاافك الله .. أخوكـ ""

المشاركة الأصلية كتبت بواسطة عبدالسلام النخيش (المشاركة 688586) السميري مصيبه والله مصيبه الله يوفقه لاهنت عالنقل وبيض الله وجهك