السهد للشاعر الكبير سلطان الركيبي

[سعود فلاح العصيمي]

السهد يجلد عيوني

شوق ٍرماني على وجه الورق شفته
بعيون ناس ٍ على اوجاعي تواسيني

الجرح ينزف وهمي قد تطاولته
على فراق ٍ تسرمد بينك وبيني

ياهيه ياللي لويت القلب ووجعته
واشعلت نار الوله بقصى شراييني

كم لي وانا اسوق عمر ٍلجلك اذهبته
لين ذبلت من غيابك زهرة سنيني

وكم لي وانا اخيل وجه ٍ بالحشا اسهرته
واطوح الآه شكوىٍ حايره فيني

السهد يجلد عيوني والغلا شلته
تحت الحنايا يصبحني يمسيني

كن الشقا ترثة ٍ الصدر حصلته
وكنه خليل ٍ حلف دينه على ديني

وانته تقاسيت في جرحي وبعثرته
وامري غدى للأسف مهوب بيديني

لقلت ببعد ترى من قلب ماقلته
وشلون انا عنك ببعد وانت في عيني

كبر الغلا يم مع بعدك تجرعته
حتى غدت كل زفرة آه تعنيني


ليتك تشوف اش كثر وقتي بك اشغلته
وليتك تشوف العنا وشلون كاسيني


وان كان حرفي على الاطراس ماشفته
بموت مامات حبك في شراييني



سلطان فيحان الركيبي

[عبدالرحمن الهيلوم]

صح السان الشاعر ومشكوووووووووور يالغالي عالنقل

[/عبد العزيز الجذع/]

صح لسان الشاعر..
بيض الله وجهك اخوي سعود

[سعود فلاح العصيمي]

الاخوان عبدالرحمن وعبدالعزيز شكرا لمروركم

[الادعاصم@]

صح لسانه وشكرا على النقل

[سعود فلاح العصيمي]

الاد عاصم صح بدنك وشكرا على مرورك

[محمد العتيبي]

صح لسان الشاعر سلطان الركيبي .
وسلمت يداك ياسعود ..
...

التوقيع

للتواصل عبر twitter تويتر al_bargawy@

[سعود فلاح العصيمي]

صح بدنك يابو مشعاب وسلمت ودمت
وياهلا وسهلا