لاتماري قوم منت الهم عديل &ولا تخاصم وانت ياللاش مخصوم (رد كديميس على شاعر من الحروب)

[شلاش]

بسم الله الرحمن الرحيم


والصلاة والسلام على اشرف الأنبياء والمرسيلن


اما بعد،،،،ارجوا من إدارة المنتدى والمشرفين الأعزاء عدم حذف القصيده أو إغلاق الموضوع



لأنني أظطرريت الى إنزال هذه القصيده بعد تصفحي لمنتديات حرب


ووجدت مالا يسر من تحريف ومهاترات الى درجة وصولهم الى الكلام البذيء فيما يخص شخص



شاعرنا كديميس ،،،، وبإمكانكم التأكد من ذلك بالرجوع الى منتديات حرب


















هذه القصيده رداً على قصيدة \عبد العزيز بن حمود الحربي



يقول عبد العزيز

يوم كلن قام للثاني يكيل = يضحكون الناس وابليس مخدوم

رد كديميس :

يا قلم عزوز جاين له عويل =من كلامي ضايق الصدر امهموم
مايبات وفارقه حلو المقيل = والعيون الحول صابتها الهزوم
لا تضايق من كلامي ياابو ذيل =انت ضيفت امس واليوم معزوم
عند رجل ٍ مايخاف من القبيل = وكان هاجمته يبادلك الهجوم
ويطرح النيشان لاشد الفتيل =وبندقه ماهيب فاالهيه زموم
يتحكم فالرصاصه لا تعيل =وانسحابه صعب من بعد القدوم
وانت تركض من بتيل اليا بتيل = في بحر عمياك يا عزيز تعوم
وصرت للشيطان واعوانه وكيل = قلت انا بقوم وابليس مخدوم
مادريت انك جنحت عن السبيل =واستدارت بك دواليب الغشوم
وعادة الشيطان دايم يستميل =كل من مثلك عن الحق امغموم
ويش جابك للمشاكل يالهبيل =والسماء فوقك ملبد بالغيوم
السبر قوبعك من قفوا الشليل = والعقاب المفترس فوقك يحوم
اكتشف مافي الخريطه من حصيل = لو تضفضف ماتغطيك الهدوم
لا تماري قوم منت الهم عديل = ولا تخاصم وانت يااللاش امخصوم
قد سقوك من الذحاح الحنضليل = لين حالفتوا هل الجمع الجزوم
انظر التاريخ جيلن بعد جيل = ويتضح لك كيف توزيع القسوم
ويتضح لك مافعلنا يالهزيل = يوم جينا الدار والدار امحكوم
كم حدينا الضد بالحد الصقيل = وكم نزلنا بين قوم وبين قوم
وكم نهارن من سببنا صار ليل = من عجاج الخيل واوماي السهوم
مال نزهين الشوارب من يشيل =حذفهم فالمعركه حذف الجروم
ذا صويب وذا منيع وذا قتيل =وذاك ضاقت به معابير اليموم
لين زحنا راعي الروز الثقيل =وغادر الديره على قبا(ن) قحوم
حربنا خلت محمد يستقيل =يوم شاف اجموعنا دهمن دهوم
قبلنا لويت ذ راعه مستحيل =ويوم صافحناه سلمنا الختوم
ومشيخة نجد العريض المستطيل = سلم العتبان مشيخة العموم
وكان عاهدنا وفينا للعميل = وحربنا لأهل الحرايب حرب روم
للصديق انصير مثل السلسبيل = والعدوا اثقل عليه من الرجوم
وانت خابر يوم تختار البديل = يوم تنزع من قبيلتك وتشوم
يوم تطمر من فصيل اليا فصيل =جاز لك جانب متيهت الردوم
الرجال اللي يعزون النزيل = ومن يحاربهم يطيح ولا يقوم
حربهم خلت قبيلتكم تحيل = وشتتوا جمع السوالم والفروم
كان ديرتكم بوادن له مسيل =من الجريراليا المضيح للجثوم
مير حدوكم بشلفن فوق خيل = لين بانت في قبيلتك الثلوم
انهزم جمع السوالم مستزيل = ولايزال ابكم من الماضي عثوم
ياعزيز يابحر قولن وقيل = وين تبغى يالمزيني للنجوم
خلنا بالأرض والجيد يشيل = كان قربت الحمول من الصهوم
ويتضح ركض الأصيل من العصيل = وتدري انك من رديين العزوم
انتبه ياللي تحسب انك طويل = وانت ماتلحق ملاحيق القروم
انت كنت مع العرب عيبة مشيل = مير لا تقعد تهوم الحكي هوم
عيبتن فيها الجديد مع الحويل = ومن غزا وافلس رجع لأم الخصوم
وانخدعت بنعمة الدور الفضيل =واحتموك اهل المدافع بالطقوم
وقمت تعمل فالمراسيم اتعديل = ومن عما رايك تجاوزت الرسوم
كيف تذكر منطقة بيضاء نثيل =وانت من سعدون وعقاب مهزوم
جالكم قدام ابن وايل جفيل = وصفكم في دفتر الضبط امعلوم
عقب ماغرب يبي وادي النخيل = ردته كلمة مكبرة العلوم
كلمتن جرت خيالن مستخيل = ذبكم سيله على روس الحزوم
وكل مابيدينكم من شول شيل =ودهو للنياقكم توديه بوم
وين تبغى يم سلمى يالخبيل = وانت من فعل السناعيس امخزوم
شيخهم سقتوا له المال الجزيل = جزيتن توخذ عليكم للحدوم
وقد سرب قطعانكم وامره وبيل = وقد غشاكم من هل الطولات لوم
ويوم دقلات الأ صيله والاصيل = وشهرتك من فوقها عدة وسوم
واحدن لعبيد والبيت الدليل =والضياغم سيفهم دايم لطوم
واحدن للي سبقكم بالرحيل =وصار في الهيجاء يبيع ولايسوم
يوم حطيت المطيري لك زميل =واشتركتوا في الدفاع وفي الهجوم
جمعكم حجمه كبر هضبة حقيل = مير من صد الصناديد امحروم
يدحم كنه خيالن مستخيل =والثبات بساحة الحرب امعدوم
ومن يبهر دلته بالزنجبيل = قام معكم مير ماسد اللزوم
عقب زومه غادر الحسرج ذليل = يستغيث ويطلب الرب الرحوم
وقام يلعن حلف معبول العبيل =مع ولد باقان وعنان العزوم
انت تطلبني دليلن بتعجيل =وكان عندك عين برق بالرقوم
خذ كلامن مايزاد من الصميل =وان بغيت تقوم والا لا تقوم
وكل قاف بلادليل ولا كفيل =مايقوله كود رجالن خذوم
وكل رجلن مامعه في الحل حيل = لا يحط بعلبة الريحان ثوم
يعتزل ويصير في الظل الظليل =وش يبي بمكابدة لفح السموم
ولا وصلك من الكثير الا القليل = وخطنا ياصلك بالختم امختوم

آخر تعديل شلاش يوم 22-Nov-2008 في 08:13 PM.

[الشــاهد]

شلاش بيض الله وجهك

ارجوا عدم حذف هذة القصيدة لان حرب امتلئت انديتهم من قصائدهم في




سلاح عتيبة

[الرأي الآخر]

كذا ... والابلاش

الله يعطيك العافية ويبيض وجهك ....


والمزيد قادم

[شلاش]

يامرحب تراحيب المطر

اخواني سلطان عايض والرأي الاخر

الله يسلمكم ويبيض وجيهكم

وابشروا بالمزيد المفيد

آخر تعديل شلاش يوم 22-Nov-2008 في 09:21 PM.

[المحايد]

أخوي شلاش

نحن لانشك بمقدرة القوه العظمى كديميس العصيمي ولا نشك بمقدرته الشعريه والجميع يعلمون أنه صعب المراس ويفحم الخصم ولا يستطيع خصمه أن يتغلب عليه.

ولكن أخي العزيز هذه القصائد إنتهى وقتها ولا داعي لها وصدقني أخي الفاضل وأنا متأكد من كلامي بأنً كديميس لايريد إعادة نشرها ولا يحبذ هذا الأمر.

وأغلب منتديات حرب تمنع قصائد السب والشتم فلنحاول نضع حدا لهذه الفتنه ونقضي عليها وجزاك الله خير.

آخر تعديل المحايد يوم 22-Nov-2008 في 09:35 PM.

[شلاش]

اخوي المحايد


اسأل الله ان يجعل لك من دعوتك نصيب

اخوي انا مؤيد لكلامك قلبا وقالبا


الا في نقطه واحده اخي اريد منك الرجوع الى منتديات حرب ورؤية
الاشيا ء الساخره والغير منطقيه فيما يقال عن كديميس العصيمي

وفي هذه الحاله تتحرك الحميه لكل من لديه حميه ويقوم بالرد على هذه المهاترات
واستثني في كلامي هذا كل شخص محايد بالنسبه لهذه القضــــيه



شــــــلاش

[وادى الرمه]

المشاركة الأصلية كتبت بواسطة شلاش

اخوي المحايد


اسأل الله ان يجعل لك من دعوتك نصيب

اخوي انا مؤيد لكلامك قلبا وقالبا


الا في نقطه واحده اخي اريد منك الرجوع الى منتديات حرب ورؤية
الاشيا ء الساخره والغير منطقيه فيما يقال عن كديميس العصيمي

وفي هذه الحاله تتحرك الحميه لكل من لديه حميه ويقوم بالرد على هذه المهاترات
واستثني في كلامي هذا كل شخص محايد بالنسبه لهذه القضــــيه



شــــــلاش

والله انا اشوف في كل منتديات حرب هذه المقوله
( حرب وعتيبة عينان في رأس )
=======
اما ماحصل من قناة الساحة وبعثها لما يبدو انه جمر تحت الرماد فالحقيقة شئ مؤسف يحتاج لوقفة صادقة من الجميع صفاً واحداً امام ....................... كل من اراد الشوشرة على كل الاصعدة سواء النتيه او المسموعة او المتلفزة لأن في الحقية حرب وعتيبة بين كل القبائل بينهم ترابط وثيق ووئام وهؤلاء الذين يوقدون النيران في صفحات الانترنت ينطبق عليهم قول الشاعر

وصرت للشيطان واعوانه وكيـل=قلت انا بقـوم وابليـس مخـدوم

ارجو من اخواني هنا وهناك تنظيف المنتديات من هذه التفاهات التي لاتليق الا بجهلة القوم والوقوف امام كل مسكين ان صح التعبير بحزم ودحر كل مؤيد لمثل هذه الشتائم
شاكر ادارة المنتدى على جهودهم الميمونه

[هايم العتيبي]

أبو صالح الشاعر العملاق والقوة العظمى

كديميس العصيمي

لا نلوم إلا الاخرين على أفعالهم وأعمالهم
التي الان يحصدون شرها بأيديهم

لنشرق بعيداً عن عقولهم المسخه ولنردعهم بخجل

فلا زلت أتقاسم أحزانهم بعد اّهاتهم !!

آخر تعديل هايم العتيبي يوم 23-Nov-2008 في 03:53 AM.

[شلاش]

مرحبا بك اخوي هايم وحياك ربي


وانت خابر((((العين بالعين والسن بالسن والبادي اظلم))))



شــــــــلاش

[رمح برقاا]

لا للفتنه

انا اشووف قطع هذه الفتنه من جذورهااا

بصراحه قبل مده صار لقاء مع الشاعر منصور الغازي ومقدم اللقاء معروف هووو فاضل ثروي الحربي وكان اللقاء كله هجووم على الشاعر يوسف العصيمي وعلى تركي الغنامي وعلى كذا شاعر من عتيبه وعلى اللجنه المنظمه لملتقى عتيبه الهيلااا وكلهاا بسبب فاضل وكان يثير منصور الغزي الشيباني ضد هاؤلاء ولاكن لممم ولن يحررك هذا الكلام اي شعرره من رؤؤسس عتيبه لانهم اول شي واثقون في انفسسهم وانهم اكبر من هذا لكلام

ولاكن لقاء كديميس اثار قبيلة كافه ساء المتعلم منهم او الجاهر بكامل طوائفهااا
انا فقط احب اوضح هذه المعلوومه واقول يا حرب لا للزعل الموضوع كله كلام في كلام عتيبه معروفه وحرب معرووفه عن العالم كله والله يكفينا شرر من به شررر