قادح شــرار تفضل هنا

[محمد المنصوري]

تعال ياقادح شرار ابتدى الليل = واحسب حساب الاولة والاخيرة
عندي خبر وعلوم موجز وتفصيل = وانت فهيم ولاتبيح السريرة

[قادح شرار]

يا مرحبا ترحيب هيل ٍ على هيل = يا شاعر ٍ نبغي نحدد مصيره
هات الخبر والعلم يحتاج تحليل = واحذر تسولف بالعلوم الصغيره

[عبدالرحمن الهيلوم]

الله

الله

الله

أبداااااااااااااااع يالغالين

[قادح شرار]

المشاركة الأصلية كتبت بواسطة عبدالرحمن الهيلوم

الله

الله

الله

أبداااااااااااااااع يالغالين

يا مرحبابك فالصفحة يا أبو داحم .

ومشكووووووور على مرورك طال عمرك .

[محمد المنصوري]

انته من اللي يشربون الفناجيل = مامات جدك حسته في ضميرة
حد السيوف وللزوم أسرج الخيل = نباك فوجيه الجموع المغيرة

[قادح شرار]

وانته من اللي يعرفون المعاميل = تقوى على سل السيوف الشطيره
أنته تخاطب لك رجال ٍ مشاكيل = تقوى على صد الجموع الغفيره

[معجب العتيبي]

الله الله

المنصوري وقادح شرار


مبدعين مبدعين
\

صحة السنتكم

التوقيع

[قادح شرار]

المشاركة الأصلية كتبت بواسطة معجب العتيبي

الله الله

المنصوري وقادح شرار


مبدعين مبدعين
\

صحة السنتكم

عسى الله يبقيك ذخر للمنتدى يا أبو سلطان .

ويا جعلنا ما نعدم وجودك .

مشكووووور على مرورك طال عمرك .

[محمد المنصوري]

خل النظر مرفوع للجدي وسهيل = عساك حظ أهل الوجية السفيرة
رجال واتعب مع دروب الرياجيل = ولاتغني مع سعاد وسميرة

[قادح شرار]

حنا نظرنا ما تجيبه درابيل = نقدر على الصعبة ولو هي كبيره
ما همنا لو تكثر القال والقيل = عندي على كل السوالف بصيره

المعذرة على تأخر الرد لظرف خارج عن الأرادة . وختامها عندك ياغالي .

آخر تعديل قادح شرار يوم 16-Sep-2008 في 01:06 AM.