تعال ياقادح شرار ابتدى الليل = واحسب حساب الاولة والاخيرة
عندي خبر وعلوم موجز وتفصيل = وانت فهيم ولاتبيح السريرة

يا مرحبا ترحيب هيل ٍ على هيل = يا شاعر ٍ نبغي نحدد مصيره
هات الخبر والعلم يحتاج تحليل = واحذر تسولف بالعلوم الصغيره

انته من اللي يشربون الفناجيل = مامات جدك حسته في ضميرة
حد السيوف وللزوم أسرج الخيل = نباك فوجيه الجموع المغيرة

وانته من اللي يعرفون المعاميل = تقوى على سل السيوف الشطيره
أنته تخاطب لك رجال ٍ مشاكيل = تقوى على صد الجموع الغفيره

المشاركة الأصلية كتبت بواسطة عبدالرحمن الهيلوم (المشاركة 734332) الله الله الله أبداااااااااااااااع يالغالين

خل النظر مرفوع للجدي وسهيل = عساك حظ أهل الوجية السفيرة
رجال واتعب مع دروب الرياجيل = ولاتغني مع سعاد وسميرة

حنا نظرنا ما تجيبه درابيل = نقدر على الصعبة ولو هي كبيره
ما همنا لو تكثر القال والقيل = عندي على كل السوالف بصيره