معجب اذا وقتك يسمح تفضل

[المعتصم بالله]

يا معجب لد يمي واستمع في كلمةٍ عندي=ابا ابديها وانا خابر وسيع العرف يفهمها
غريبة كيف بالمجلس كثيرة جرة الهندي=وانا ماشره على الهندي ولو يخلف معالمها

[معجب العتيبي]

الا يالمعتصم ياللي تنادي كنك الفندي=تحية دينك المعروف وشبك ماتقدمها
ليامنك نشدت اخذ الجواب الكامل الشندي=احد جانا يعيّش نفس والثاني يعلمها

التوقيع

[المعتصم بالله]

انادي معجب الضابط انا ما انادي الجندي=اقدمها بدون شكوك يا معجب واعممها
كفو كفو وانا خابرك تشب النار بالزندي=وصحيح اللي تقوله مير ياليته ينظمها

[السبيــــعي]

صح السنتكــــم ..معجب والمعتصم

الله يعطيكم العافيــــة

[معجب العتيبي]

تناديني وانا حولك مارحت الهند والسندي=علامك ياوسيع العرف نفسك قمت تظلمها
والا ياصاحبي لابد من تطوير فالبندي=عشان اللي فشل من بين هالعمال نحرمها

[معجب العتيبي]

صح بدنك يالسبيعي

وجودك يشرفنا طال عمرك

[المعتصم بالله]

المعذرة يا ابوسلطان على التأخير مشغول

تجر عواك يا ذيبٍ على المشراف معلندي=تجره من غضب يا ذيب والا من تأزمها
وترى من يفعل الطيب نبا نجزيه بالرندي=تبين يا عميلي سالفتنا صعب تفهمها

[المعتصم بالله]

السبيعي

صح لسانك وشرفتنا

[معجب العتيبي]

صحيبي غير اللهجه واضنه صار هولندي=نسى انه بين ربعه كلمته منهو يترجمها
اجل خل السوالف كلها في حفرة المندي=وزينلك معاريضٍ جديده ثم قدمها

[معجب العتيبي]

المعتصم خلااااااااااااااااااااااص ماني قدك


ياخوي حست مخي بهالطاروق هههههههههه

ماشاءالله عليك وش طرا هالقافيه على بالك


شكرا لك والى لقاء اخر