الاد روق وكل ثاره بثاره

[عباس مشعل الشيباني]

بسم الله الرحمن الرحيم

الحمد لله رب العالمين , والصلاه والسلام على اشرف الانبياء والمرسلين , نبينا محمد وعلى اله وصحبه وسلم تسليما كثيرا الى يوم الدين . اما بعــــد .

السلام عليكم ورحمه الله وبركاته


احبتي واخواني نستعرض لكم في هذا الموضوع قصيده تعد من اطول القصائد للشاعر بن شريم حيث تحمل رساله موجهه للشيخ / مسلط بن ذعار بن ربيعان العتيبي وتحمل عده معاني وحكم واللغاز مبهمه ونتطرق لطرح هذا الموضوع امامكم اخواننا عبر .

.:: موقع قبيله عتيبه الهيلا::.

.:: النسخه الثانيه ::.


حيث يرسل الشاعر بن شريم هذه القصيده الطويله للشيخ مسلط بن ذعار بن ربيعان ويقول بها :

ياراكب حمرا براسه صطاره =حمرا من العيرات نساع الازوار
حمرا وتقلب عينها كالشراره = ومن العيا فيها زعانيف وصطار
شيب القرا من نابيات الفقارة= وضلوع طفاح من المواخير وقصار
حمرا بها من مقدم الصيد شاره= بقمه غزال ذارها الملح وانذار
حمرا تحير بها وصايف جباره= وابو زويد وصفها فيه يحتار
مابذه الراعي كثير الدواره= ولا ارزمت مابين حرفي وبقار
مصفارها بين العلم والخضاره= الى كساه من اول الوسم مخضار
ومن الشعيب الى الحمر والقراره=الى تساقن الخباري بالامطار
وما حدر الواجدي الى خشم صاره= وان حدرت من خشم عواد ويسار
وترعى فليج الى تواسى نهاره= ونادى منادي النبت من كل الاقفار
وتخالفت بين الحمار وصفاره= وتبدلت عقب المغاليب نوار
لما تشابك طنب جاره لجاره= وتشاركو بالماء عزيبٍ ومخمار
مقياضها هد تراجس بياره = قيظه ربيع ومشربه شط وانهار
منيه يمينه وابو نببطه يساره= لا دارها طمر من الربع تندار
ولها على حمض العبيد انحداره= وبمربطه تاكل قمر عشر مسفار
صليتها والعود باد صفاره=وقد شيف من حمل النخل كل مبدار
ولبستها لبس يشوق افتخاره=من كل دشن ناسجه سر وجهار
متخيره والمال يعرف خياره=والناس تعرف بالفعايل والاذكار
مجهد وكل مجهد بافتكاره= والجهد اطيب من سمينات الاعذار
عندي وكل معجبه نور داره=ولولا الفوايد ماتخالفت الانظار
ناوي عليها للجماعه زياره=بخط كتبته ضامن خمسه اسطار
لامن نور الصبح بين اسفاره=ونور القمر ساقه من الفجر مظهار
ممشاه من بين الخضر والقواره=من ديره محالها تقل مزمار
فوقه صبي قطعه السير كاره= قطاع هيبات الفيافي والاخطار
والدرب مع وادي عنيزه عماره= ولها من السكه مسير ومعبار
وممشاه مع خل البواهل سفاره= ومقيالها في مريخ فيه مشجار
والعصر عند مجربين الخطاره=اهل الثنا اهل المروه هل الكار
ماجمعو مال يبونه تجاره=الا يبون به الثنا مثل ماصار
دار بها المحتاج يعطى وقاره= والضيف يرفع له مقام وتعبار
دار الشيوخ اهل الشرف والاماره= ادنا بالادنا كلهم جبار وكبار
الاد روق وكل ثاره بثاره = ذروه محصن مشبعه برق الاطيار
لاحل بين الحفيفين غاره= وتناقلت شهب القصص والدخن ثار
تورشحو صفر سوات السعاره=ياطن حديد وفوقهن حد واحرار
حريبهم بالكون يطفون ناره=واللي زبنهم زابن ضلع سنجار
سقها لابو سلطان وجه الخياره=زبن الذليل الي هفت به على الدار
مصلط الي ثار الدخن من قراره=الى تخالفت العياز من الازوار
توخذ مشاويره وتسمع اخباره= ويندا الى نشت من الجم الابيار
وزيزوم ربعه في نهار الكراره=ويفك بحيلاته مباهيم الافكار
لاصار للقصدير مثل الصهاره=والشمس ربرب فوقها عج وغبار
يثني خلاف الي يقزي ثباره=ويقلط اعلى هابو قصيرين الاشبار
ويصبر ولو كبرت عليه الخساره=الى امحل الوادي وقلن الاسعار
تشكي معاميله ملايل وجاره=كيف اتعزل ثنوته بن وبهار
تراه للجيران دافي جواره=يصبر بحشمتهم عن المقعد الحار
سلم عليه ونشده عن اخباره= وقل له بليت بسلعه سوقها بار
عند العوارف كسرها وانجباره=وعن الردي لو زهرت مابه اثمار
الجاهل الي مادرى ويش كاره=اسمه بتصريف الزمان ابو مختار
ياشيخ ريقي فيه مثل المراره=والكبد كن بها من الغبن مسمار
كني غريب الدار يذكر دياره=جارت عليه ام الكباير بالامصار
والا كما اللي طايح بالمعاره=حالت عليه الخيل واوشو به النار
واقفو وباقي حياته قطاره=وتدالته شهب الحنادي بالاظفار
لانيب ملاك يحسب عقاره= ولا تاجر يصرف بليره ودينار
ومع النقا لانيب راعي عباره=اكذب واقابل مثل ماقيل قمار
واللي رفيق لي بدا به غياره=اشرف وشاف وبدل العرف بانكار
وتبدلت عقب البشاره نذاره=وذل الغراب وحط غيره بالاوكار
ياشيخ انا بنشدك نشده مشاره=غديت مثل مولع النار بالغار
لاودرت عني طيور الصقاره= وش عاد ابا اقنص به ليا صرت صقار
قلته وانا حظي ردي العباره= وابا اتلزى في زماني ولو جار
ولو انها بالمرجله والجساره= صبرت ولا بعت عمري عن العار

هذا وصلى الله وسلم على نبينا محمد وعلى اله وسلم تسيلما كثيرا الى يوم دين.

مع تمنياتي لكم بالتوفيق الدائم

بحث واعداد

اخوكم

عباس مشعل الشيباني

[ابن نميان]

لاهنت ياعــباس بيض الله وجهكـ

ونعم والــله في الأد روقـ وفي الشيخ : مسلط ابن ربيعان

قصيدة عصماء , تفحم من يقراها, وتتعبب من يـ بحث عن معانيها



كل التقدير والأحترام


لــكــ يــابن مشيب

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[عباس مشعل الشيباني]

الله لا يهينك اخوي ابن نميان

وشاكر لك مرورك يالغالي

ونعم بالاد روق مرجحين الموازين وانشالله سوف تنزل غدا قصيده اخرى اطول من هذه القصيده تتضمن هذه الابيات :

ماحدرت جده لنجد لصمان=ثابت الى زعزع جميع اعتزوا به
ماقال ذا روقي وهذا ابن شيبان=يضفي على عوراتهم ردن ثوبه
مقدم عتيبه تتبعه سر وعلان=هيلا تهايل غالبه ومغلوبه
شيخ الى من العدو بالردى بان=نبب على الهيلا جميع وبدوا به

مع تمنياتي للجميع بالتوفيق الدائم

اخوكم

عباس مشعل الشيباني

[العطاااااوي]

بيض الله وجهك
يا عباااااااااااااس


وماعليك زوووووووووووود وانا اخووووووووووك



وصح لسااااااااااااااااان
بن شريم
واشكرك على هذا الجهد الرائع


اخووووووووووووووووووووووووووك


ابن جلال
القسامي

[عباس مشعل الشيباني]

وجهك ابيض اخوي العطاوي

ولاهنت على مرورك يالغالي

وهذا واجبي طال عمرك كشخص مطلع للتاريخ ان انقله لابناء عمومتي

مع تمنياتي للجميع بالتوفيق الدائم

اخوكم

عباس مشعل الشيباني

[يعني كذا]

يابعد قلبي ياانت ياعباس او يابعد قلبي يالشيابين كلهم وعتيبه عامه

[هدهد عتيبه]

والله ونعم في الاد روق مرجحين الموازين

[ولد الروقه]

ونـــــــــــــــــــــــــعم يعيـــــــــــــــــــــــال الشيـــــــابين

وبيض الله وجهك يبن مشيب وحنا كلنا روق وبرقا

عتــــيبه الهيلا

عزه الله الشيابين سلاطين


عزه انك وليده يامســــلط
ومشكور بن عباس

مع تحــــيات \
العطـــــــــــــــــــــــــــــــــــــــــــــا وي

[حاكم الغنامي]

ماعليك زود يالشيباني وبيض الله وجهك




°ˆ~*¤®§(*§*)§®¤*~ˆ°

العطاوي / ظلم

°ˆ~*¤®§(*§*)§®¤*~ˆ°

[أبو صقر]

والله ونعم بعتيبه كلها
صح لسانك ولسان الشاعر
ويعطيك العافيه على الموضوع والابيات المميزه







تحيتي ........