قصيدة غزلية مرسله من الشاعر\عبد الرحمن الخميس إلى الشاعر\كديميس صالح

[نامي]

قصيدة الشاعر\ عبدالرحمن الخميس=
لوانك صدفت اللي صدفته يابو سلطان = من الوجد كان تتابع الونه الونه
صدفني هناك اعوذ بالله من الشيطان = ورماني بنجل ٍمن رمنه يصيبنه
سبحان الله الخالق مصور هاك الانسان = عطاه الجمال اليوسفي مالحد منه
جميل الوصايف والبلى مقرن الحجان = وسود ٍعلى الاوجان يضفي هدبهنه
خدود وجعود ٍسود تضفي على الامتان = وعيون ٍتشوف الموت منهن وفيهنه
وعودٍ يميل وينهصر مثل غصن البان = وردوفٍ لايمن سار ثوبه يقلنه
الا يابعد كل ا لبشر ياهاك الثمان = ليا من تبسم راح قلبي معاهنه
انا ماهقيت انسى هوى مدمج السيقان = لو انسى حلوم الليل يمي يجيبنه
انا اذا هب نسناس الصبا حرك الاغصان = تذكرت غروٍ مثل وصف القمركنه
انا مابرى حالي وسبب لي الاحزان = الا اللي هواي وخاطري فيه واحنه
انا ويش اسوي صابني طرفه الفتان = ذبحني ذبحني مابها قولة اظنه
قضى الصبر عندي مابقى للصبر مكان = وعيون المهاوي تو جاهن بلا هنه
وانا مقدر الفرقا ولا اقدر على السلوان = وجفا البيض هم ونار ووصالهن جنه
انا اخشى من الفرقا ومال الزمان امان = اخاف الليالي والمقادير ينحنه
انا من غرام الغيد ذقت العذاب الوان = الا واعنا قلب العنا من عناهنه
ينام الخلي من الهواجس وانا سهران = واجاهد صوابي يابن الاجواد واكنه
انا والنجوم الساريه والسهر خلان = اعد النجوم الساريه في سماهنه
اعاني من الوحده ومن لوعة الحرمان = وعيوني غزير الدمع دايم يهلنه
ودنياك مادامت لحي ٍمن الحيان = ومن اضحكت عجلات الايام يبكنه
كديميس وش الراي ياشاعر العتبان = ومثلك دروب الحب قبلي مشاهنه
بعصر الشباب اللي مضى لك هاك الزمان = يوم انك تغني في جزيرة جبل قنه
تمنى مخاوات القمر للقمر يافلان = لوان المناوي ماحدن قبل غادنه
عقب منت معهن في زمان ٍمضى طربان = بشرق الجزيره خذت سجات معهنه
وراهن دفعت الغوج يركض بدون عنان = وقلبك عليهن مقرع ٍكانه الشنه
وذالوقت هنه وان يالعود وانته وان = ياليت الليالي ماخذنه يردنه
جعفت الشداد وطاوٍ رشاك ياكحيلان = ولا عادلك يالعود شف بهواهنه
هذا اللي جرى لي يالاخو والمقدر كان = ويالله رضاك بختم الا مثال والجنه
رد الشاعر\كديميس على قصيدةالشاعر\ عبد الرحمن:=
هلا بالكتاب ومن كتب بيته المليان = اديب ٍيعرف الشعر والشعر من فنه
وصل من دحيم كتاب فيه البيوت سمان = كمنه عسف عوب القوافي واطاعنه
وصلني كتاب فيه شكوى من الزمان = يخاف ان دورات الليالي يغدرنه
ويبي الراي من عندي عن النجل والوجلان = يحب البنات المترفات ويحبنه
حسب ماتبين لي وانا مامعي برهان = اظنه ضمن من كان ظنه على ظنه
اظنه سلك درب الدجيماوابن بدران = وطريق الهوى ماثور لكن به لنه
ترى نظرة الصدفه رسايل بلا عنوان = تهز المشاعر والمهاوي يتلنه
مثل بيت عاجل لانوافذ ولا بيبان = جمال وضمير مستتر من درا عنه
لوانك حفظت اركان الايمان والاحسان = وقريت الكتاب وما تيسر من السنه
عرفت الحروف اللي بهن محكم البيان = وعرفت الحروف اللي بالادغام والغنه
اخيرا لك من طرد الهوى كاينٍ من كان = واخيرا لك من شوف الثمر هيله وبنه
ترى العز والناموس في طاعة الرحمن = هذا الراي وانت مخير في حداهنه
واشوفك ترست الصاع بالملح والخفان = وتعد الهجوم لماضي العود وتشنه
تعرضت عودٍ حافظٍ خمسة الاركان = ومضى له زمانٍ مثل غيره وفي سنه
اخذ له سنين يصارع الربح والخسران = يتحدى الليالي والليالي يتحدنه
وغزى مع مهنا مرةٍ مع قرى الصمان = وتعرض حثاث القاع في لا هب الكنه
على ضامرٍ ملحية الساق والذرعان = طرف زورها ذرعانها ماينوشنه
وبعدماوصل مع صاحبه حروة الغزلان = رجع عن قليل المعرفه راعي العنه
وعطاه الذلول وبندقٍ كانه الثعبان = وذكرله صفاتٍ في الجوازي يغرنه
ترى شمهن يغلب على الشوف بالاعيان = وترى سمعهن لو تكسر العود يوحنه
وتراهن يحبن النوازي عن الطمان = جميع المحل المنخفض مايداننه
وليا عاوداًذي فرصة الرامي الفنان = لياصار مايرمش ليا ارسل سهم هنه
ومشى يم مرقاب الشقى طامعٍ زملان = وتغره رسوس المسبعه وانسه وجنه
وبعد ماارقب المرقاب واشرف على الجيان = لقى الريم في الصدر المناحر وشافنه
وتقافن وراهن كن بطرافهن جنحان = وركض قصده الملقاف لكن فاتنه
ورجع لذلول وخمها وانطلق عجلان = يحث المطيه واكتفاهن باثرهنه
وعطن متختخٍ يطرخ سرابه كما الغدران = ولا من نشد له واحدٍقال مرنه
وتجرع قراطيع الغميضه بلا ميزان = هذا المكسب اللي حصله من وراهنه
انا مالقيت احسن من الأمن والإيمان = ولأقرد من اللي دايمٍ همه يتنه
وانا ماوصلت لمستوى شاعر العتبان = علامات راع الدرس يعرف عددهنه
لكني لايا شان اللغى واحتمى الميدان = اشارك عيال العم في معتلج هنه
ويجي للزز ميدان والاالتفق نيشان = ومن لا طرد شهب الذيابه تعشنه
ختمت الرساله باشقر المسك والريحان =وعسى اللي جلب قطف الزهر يشتري هنه

[نواف بن منصور]

كديمـيـس وش الــراي ياشـاعـر العتـبـان=ومثـلـك دروب الـحـب قـبـلـي مشـاهـنـه
بعصر الشباب اللـي مضـى لـك هـاك الزمـان=يـوم انـك تغنـي فـي جزيـرة جـبـل قـنـه

.............

لوانـك حفظـت اركـان الايـمـان والاحـسـان=وقريـت الكتـاب ومـا تيـسـر مــن السـنـه
عرفـت الحـروف اللـي بهـن محكـم البـيـان=وعرفـت الحـروف اللـي بـالادغـام والغـنـه
اخيرا لك مـن طـرد الهـوى كايـنٍ مـن كـان=واخيـرا لـك مـن شـوف الثمـر هيلـه وبنـه
تـرى العـز والنامـوس فـي طاعـة الرحـمـن=هـذا الـراي وانـت مخـيـر فــي حداهـنـه

صح لسان كديميس وصح لسان الخمـيـس

والله لا يهيتك يانامي كما عودتنا مشاركات جزله

الله يعطيك العافيه

[نامي]

الله يعافيك ويسلمك نواف

ومشكور على المرور

[بجاد علي]

وغـزى مـع مهنـا مـرةٍ مـع قـرى الصمـان= وتعـرض حثـاث القـاع فـي لا هــب الكـنـه
علـى ضـامـرٍ ملحـيـة الـسـاق والـذرعـان= طــرف زورهــا ذرعـانـهـا ماينـوشـنـه

هذا القصيد والا بلاش ولاهي غريبه على ابو سلطان . وتقبل تحياتي ياكاتب الموضوع وياليت تتحفنا بقصائد كديميس الجديده. أخوك بجاد

[نامي]

حياك اخوي بجاد

وابشر باللي يسرك

مشكور على المرور

[ساري 3]

لاهنت يالذيب وماقصرت على النقل الرائع والذوق الرفيع
ويجـي لـلـزز مـيـدان والاالتـفـق نيـشـان****ومــن لا طــرد شـهـب الذيـابـه تعشـنـه

[أبو صقر]

نامي
صح لسانك ولسان ابن خميس وكديميس
تسلم يمناك


تحيتي........

[نامي]

المشاركة الأصلية كتبت بواسطة سطام روق

نامي
صح لسانك ولسان ابن خميس وكديميس
تسلم يمناك


تحيتي........

الله يسلمك اخوي سطام
مشكور على المرور

[هـلـيـل الـعـصـيـمـي]

صح لسان

ابو ســلــطــان


و مشكور

يا نـــامـــي

على القصايد

[نامي]

المشاركة الأصلية كتبت بواسطة هـلـيـل الـعـصـيـمـي

صح لسان

ابو ســلــطــان


و مشكور

يا نـــامـــي

على القصايد

اخوي هليل اشكرك على المرور