من يقود السالفه لين تاصل منتهاها............!!

[عبد الرحمن الفرهود]

ياسلام الله على الوفا من كل ديره = ردة فيها المعاني رفيع مستواها
من يلا عبني عسى فالامر خير وخيره = من يقود السالفه لين تاصل منتهاها

[رفيع المنزل]

استلم وانتبه للشطر الاول

مرحبا ترحيب يقدح مثل نار السعيره = والمثل قد قال رجل ٍ يدورها لقاها
ودي اخبرك العلوم الطويلة والقصيرة = مار اخاف انك تجي دونها مانته وراها

آخر تعديل رفيع المنزل يوم 04-Aug-2009 في 01:17 AM.

[زبن الجعفري العنزي]

باروود


رفيع المنزل


صحت السنتكم


والصف صف رفيع المنزل ولاهان بارود

[عبد الرحمن الفرهود]

ليت ترحيب بدالي تعوضني بغيره = لا تعجّل ياصحيبي على دورة رحاها
سلمنا من يبتدي مايعرقل في مسيره = لاتجفّل ناقتك من خلاها في خلاها

[عبد الرحمن الفرهود]

المشاركة الأصلية كتبت بواسطة راع الجدعا ابن وايل

باروود


رفيع المنزل


صحت السنتكم


والصف صف رفيع المنزل ولاهان بارود

راع الجدعا صح ابدنك ونا لي الله

[رفيع المنزل]

مرحبا ترحيب ينطحك في ريحة عبيره = لاجل ترضى فيه نفسك ولايطلع خفاها
اثر ابوزيد الهلالي معه نفس ٍ كبيره =مار من يبسط لنا الكف يبشر في ملاها

[عبد الرحمن الفرهود]

تو هاجوسي على الكيف جا يشعب بعيره = والنفوس الطيّبه حقق الله مبتغاها
انت منته جاهل الحر الاشقر من مطيره = وكل نفس ابماتسوّي تبا تلقا جزاها

ها

[رفيع المنزل]

الشعوب اللي لها شيخ لازم تستشيره = دامه ليا قام فاللازمه سد وكفاها
مالقينا له مخاشر ولاعيــّـن وزيره = لو يروح تشوف دار العرب كل ٍ غزاها

[عبد الرحمن الفرهود]

صاحبك له سبعة اشهور في هم وحيره = والعلل متشابهه بيننا نبغى دواها
كلٍ ابرمزه مسرجله اخيول مغيره = ليه مانظهر على الناس بوجيه تباها

[رفيع المنزل]

يامعسر فالدعاوي وهي ماهي عسيره = للبيوت اسوار وانته تذرى في ذراها
العمى مايبصر الشمس في عز الظهيره = كيف الوم عيونه اللي مخـّــربها عماها

الختام عندك والى اللقاء في محاورت قادمة
تشرفت باللعب معك