صديقي ذيب عروى

[مرداس]

ياذيب عروا مال عروي ذيب غير اهل السيوف=أمثال ابن هندي وابن صنهات مروين السلال
كم ذيب أمعط يخترش لاشافهم عود خروف=وذكوه تذكاة الذبيحه لاحرام ولا حلال

[صاهود]

روح انشد ابن حميد ويعلمك تفسير الحروف=لاتمتحني وانت غالي والقشر ماله مجال
كلن عطاه اللة ولا نسكت تحت حكم الظروف=الطيب تلقا جرته جنوب ولاّ فالشمال

[مرداس]

من هيبة ابن حميد نجد هضابها جاها خسوف=ماتشوف نجد بكبرها صحراء ولا فيها جبال
انته علم ماتنتعرف صرت للكل معروف=مافيه مكاوي مايعرف ويش سوا ابو رغال

[صاهود]

الطيب فالاسلام والاسلام فالطيب امعطوف=ولاّ الامور الثانيه ماتنفعك يابن الحلال
لاتصير مثل اللي من المعروف والحق امخطوف=ترا ابخل العربان من باع الحقيقه في ريال

آخر تعديل صاهود يوم 10-Jul-2009 في 11:06 PM.

[صاهود]

لاتصير 00لتصير

تصحيح يالربع

[صاهود]

اخوي مرداس صح السانك وسلم بنانك

وراي دوام و

ونكمل بكره علي خبر

لاهنت يالقرم

[مرداس]

ذيب عروى الاتصال عقدني يجي دقيقه وينقطع نص ساعه

سامحني على التأخر الاجباري

سهم الربا لاترفعه وتصرفه فوق الضعوف =ياتاجر لاجي لدولة ما لهلها بيت مال
ماخذت عبره من هذاك الي سقط بين الصفوف=عانه مصلع ماعلى راسه شماغ ولا عقال

[صاهود]

سهم الربا مادوّر ارباحه ولو فيه الا لوف=ماغير اسدد حاجة المحتاج لانادا تعال
لاتظلم المسلم ولايغويك شيطان الهفوف=روايتن مضمونها مكتوب من نسج الخيال

[طلال ناشي]

مرداس

ذيب عروى

ياســــــلام ياســـــــــلام

فتل رائع ونقض أروع


صحت الالسن والقلوب


تقبلا مروري وتحياتي

التوقيع

يامحمد الشوق يذبح والغلآ سنه = لآ لآ غلآهآ القصايد كيف أغنيهآ شقراً شعاهآ الغرآم وجات مستنه = ما كنها ألا فرسك اللي مربيهآ مشاعري في غلآها مالهآ منه = وآلله لو أشوفهآ لاحب رجليهآ طلآل نـاشي العـآلي talal945@hotmail.com

آخر تعديل طلال ناشي يوم 11-Jul-2009 في 05:11 AM.

[صاهود]

طلال ناشي

مرحبا ومسهلا