ياذيب عروا مال عروي ذيب غير اهل السيوف=أمثال ابن هندي وابن صنهات مروين السلال
كم ذيب أمعط يخترش لاشافهم عود خروف=وذكوه تذكاة الذبيحه لاحرام ولا حلال

روح انشد ابن حميد ويعلمك تفسير الحروف=لاتمتحني وانت غالي والقشر ماله مجال
كلن عطاه اللة ولا نسكت تحت حكم الظروف=الطيب تلقا جرته جنوب ولاّ فالشمال

من هيبة ابن حميد نجد هضابها جاها خسوف=ماتشوف نجد بكبرها صحراء ولا فيها جبال
انته علم ماتنتعرف صرت للكل معروف=مافيه مكاوي مايعرف ويش سوا ابو رغال

الطيب فالاسلام والاسلام فالطيب امعطوف=ولاّ الامور الثانيه ماتنفعك يابن الحلال
لاتصير مثل اللي من المعروف والحق امخطوف=ترا ابخل العربان من باع الحقيقه في ريال

سهم الربا لاترفعه وتصرفه فوق الضعوف =ياتاجر لاجي لدولة ما لهلها بيت مال
ماخذت عبره من هذاك الي سقط بين الصفوف=عانه مصلع ماعلى راسه شماغ ولا عقال

سهم الربا مادوّر ارباحه ولو فيه الا لوف=ماغير اسدد حاجة المحتاج لانادا تعال
لاتظلم المسلم ولايغويك شيطان الهفوف=روايتن مضمونها مكتوب من نسج الخيال

مرداس

ذيب عروى

ياســــــلام ياســـــــــلام

فتل رائع ونقض أروع


صحت الالسن والقلوب


تقبلا مروري وتحياتي