( قوي الفعايل ) قصيدة للشاعر / فهد بن الحميدي الدغيلبي

[عمر الدغيلبي]

السلام عليكم ورحمة الله وبركاته

أقدم لكم قصيدة & قــوي الــفــعــايــل &

للشاعر / فهد بن الحميدي بن عبدالعزيز الحويفر الدغيلبي العتيبي ( أبو بدر )

وهي إهداء إلى :

الخال / خالد بن هندي بن شجاع الجلد الدغيلبي ( أبوراكان )


وأترك لكم قراءة القصيدة وأرجو أن تنال على إعجابكم

راكب اللي صممه شيخ الدنايا = جمس ٍ أبيض من حديثات المودايل
كن تهن فاله معا بعض الحوايا = هرش ٍ أوضح سنته فالدرب حايل
وإن عطاله خط يازين السجايا = يطوي الخدان طيات الزلايل
سايق بيوتي كما سوق المطايا = و الدلال مهيله و الجو هايل
ناصين لي قرم وعلومه دوايا = مزبن المضهود في سم القوايل
لابن هندي يا حلو هاك النبايا = اشهد انه شوق نقاض الجدايل
يابن هندي فيك من هندي حلايا = وهندي الأول شبيهه فالخصايل
اشهد انك ذيب و تقود السرايا = ياشبيه العود كساب الجمايل
كافلن للطيب ما تبغى وصايا = والشجاعه فيك تردع كل عايل
ياعسى راكان يهديك العطايا = وعند سلطان الصعب يصبح سهايل
يالله المعبود يا رب البرايا = ترزقه يالله جزلات الفضايل
قدركم فالقلب في كل الحنايا = والمثايل في رصيد اهل الحمايل
وختامها مني لك احلى التحايا = واحب خشمك ياقوي الفعايل
وصلو على المختار خير البرايا = شفيعنا في يوم كشف الهوايل

وســـــــــــلامـــــــــتكــــم

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[محمد العتيبي]

صح لسان الشاعر / فهد بن الحميدي الدغيلبي ..

على هذه الرائعه ..

وتسلم يداك ياعمر ..
...

التوقيع

للتواصل عبر twitter تويتر al_bargawy@

[ثعلي وبين فعلي]

عمر العتيبي

مشكووووووووووووووووووور على النقل الرايع سلمت انا ملك



تحياتي,,,,,,,,,,,

[/عبد العزيز الجذع/]

يا سلام.

صح لسان الشاعر فهد الدغيلبي.


والف شكر على النقل.

[عبدالله الجـــذع]

الله اكبر

جزله ورائعه

صح لسان شاعرنا الرائع فهد

الف شكر لك ياعمر

محبك

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فيصل المسعودي]

تشكر ياعمر على نقل هذه الجزلة

صح لسان شاعرها

وصح لسان ناقلها

في إنتظار جديدك الجزل والرائع

تحياتي

[عمر الدغيلبي]

مشكورين على المرور

والتواصل

وتقبلو مني

عاطر

التحايا

[بندر سعود الدغيلبي]

صح لسانك يافهد

قصيدة جزلة من شاعر جزل

ويستاهل خالد أبن هندي

تحياتي للجميع

[عمر الدغيلبي]

صح بدنك يا ابو سعود

وتستاهل الطيب يا ابن العم


ولا خلا ولا عدم من مرورك الكريم