مرثيه في الشاعر الهرم الراحل فيصل الرياحي لشاعر / قبلان العتيبي

[سفير المحترم]

بسم الله .....وعلى بركت الله .......

اعضاء المنتدى المحترمين....... اصحاب العقول النيره ....... الشعر هو عطر الحياه ... وشذا رياحينها...مهما تعددت اغراضه وفنونه....
....اود مصافحتكم من الاحداث ... فلست شاعرا ولكن متعطش للشعر
ولايعجبني العجب...ولا الصيام في رجب ...
...
... ولكن اعجبتني قصيدة مرثيه في الشاعر الكبير والانسان الفاضل / فيصل الرياحي رحمه الله واسكنه فسيح جناته.......
للشاعر الكبير / قبلان العتيبي....

.... لقد حزنت لفراقه عنا .... ولكن قصيده وشعره وصوته معنا...

...احببت ان انقلها لكم ....واتمنى ان تنال اعجابكم....واقدم شكري من منتدى عتيبه للشاعر قبلان العتيبي على صفاء القلب والوفاء للشعر واهله ..


والقصيده :

ياطوب لا تستغـرب ارثيـه ياطـوب=نظرتـك لأحـداث الليالـي قصـيـرة
عن قلبك النايم ضيا النـور محجـوب=للنـاس عنـد النـاس رفقـه وجيـره
الموت حق وللأجـل وقـت مكتـوب=يعلـم بـه الله ماعلـم فـيـه غـيـره
ينعى الشعر فارس مراجل ومحسـوب=علـى عيـون المعرفـة والبصـيـرة
أديـب ومحنـك وعاقـل ومصحـوب=بأفكـار مـن يأخـذ بعضهـا تنـيـره
يعنـي بمـا يعنيـه الابـداع موهـوب=يثـري بمايملـك مـن ابـداع ديــرة
ماسب في حاضر ولاحـش عرقـوب=واللـي يبـي راي السعـد يستشيـره
في صوب وعلوم الردى عنه في صوب=وافـي مـع الوافـي نقـي السريـرة
شهم وكريم اخـلاق ومهـذب اسلـوب=وراسـن صعاطيـر القرامـة تديـرة
وعملاق شعر إليا حضر ماقف ينـوب=عن كل من عنده علـى الشعـر غيـره
صدمة رحيله هزت اوطـان وشعـوب=لانـه خسـارة والخـسـارة كبـيـرة
حتى الشعر في غيبتـه بـات منكـوب=لأقـرب مسافـات التدنـي مصـيـرة
أخذوا عبر ياهل الشعر والعبـر نـوب=يصحى لها الغافـل ويحيـى ضميـره
محبوب حي وفـارق الحـي محبـوب=لأن الصفـات اللـي حواهـا كثـيـره
والشاعر اللي مـن مزايـاه مسلـوب=حـرام مايسـوى ولا ربــع لـيـره
يالله لاتكتـب علـى فيصـل اذنــوب=رحمتـك مـن واهـج جهنـم تجيـرة

القصيده لشاعر / قبلان العتيبي

آخر تعديل سفير المحترم يوم 07-Jan-2009 في 05:34 PM.

[عبدالرحمن الهيلوم]

صح السااااااااااااااااانك

والله يرحم ابو بدر غالي ومن غالين

[البريماني]

صح السااااااااااااااااانك

والله يرحم ابو بدر غالي ومن غالين

[ابن صنهوت]

صح السااااااااااااااااانك

والله يرحم ابو بدر غالي ومن غالين

[مشاري]

صح لسان الشاعر ولسااانك..

والله يرحم فيصل الرياحي..

تحيتي لشخصك..

[نمرود الشعر]

الله يرحم ابو بدر ويسكنه فسيح جناته ويلهم اهله وذويه الصبر والسلوان

؟؟؟؟
اخي سفير وفيت وكفيت الله لايفجعك بغالي سلمت يمينك يالسنافي على النقل الرائع وصح لسان الشاعر قبلان العتيبي وبيض الله وجه على مشاعر تجاه فقد زميله وابوبدر يعتبر موته كارثه للشعر قبل الشعراء فهو شاعر غني عني انا وتعريفي الله يرحمه ولايفتنى بعده
تقبل مروري واسف على الاطاله تحياتي لك

[سفير المحترم]

الاخوان الاعزاء الله لايهينكم

وصحت ابدانكم ....

... اشكركم على المرور ...
...
... وحياكم الله...
..
..
.. وهذا اقل شي يقدم لهذا الرمز...

...
..لكم وافر احترامي وتقديري...
..
..

[ولد ميسان]

رحمك الله يأبا بدر