انا الليله مع معجب بلحجه تلحاجي

[عمير الثبيتي]

سلام الله على العراف واللي حاضر من الناس=
= وانا الليله مع معجب بلحجها تلحاجي
لحيثنه يشابك في سلوك الكهربا ء والماس =
= ليا مني نهيته قال ذا دربي ومنهاجي

آخر تعديل عمير الثبيتي يوم 09-Dec-2008 في 06:43 PM.

[ابو قطيم]

ابداع لاحدود له وبانتظار رد معجب

[عبدالمجيد العطاوي]

اعذرني يامعجب العتيبي ابي اريّحك شوي واستلم يابادي المراقيب
لاهنت

هلا يامرحبا عداد ما ذعذع هوا النسناس=وانا عن معجب افلجها وانا للقوم فلاّجي
بديتوا وان بديتوا بالمشاكل ياعرب لاباس=ابى انحرها وابى انطحها وانا نطّاح الأفواجي

[عمير الثبيتي]

مرحبا ألف وعلى القوه

نعلمك البقا ياشاعراً جا للبحر غطاس = تنبه يالعطاوي غبته مع صفق الامواجي
شليويح العطاوي لو عطاك البندقه لاباس= أخافنه عطاك الاسم ولا الفعل هراجي

[عبدالمجيد العطاوي]

الله يقويك يالذيب

الا يابحر ياللّي ما يوجّه يمّك العسّاس=لو انّ الموج في غبّتك جايلّه تموّاجي
شليويح العطاوي ذكره الطيّب يرزّ الراس=وورث الفعل قدم الاسم قانوني ومنهاجي

[مرجح الميزان]

الله الله






شرب فنجالها العطاوي ..!!








صح الألسن


ومتابع



للابدااااااااااااااع

[عمير الثبيتي]

عطاسك راح ونته ف أول المحرف معك عطاس= علومك كل بوها طيبه مانته بعلاجي
أنا ما ذمكم وأنتم رجالً للكرم والباس= ولكنك تنحرت البحر والبحر هداجي

[عبدالمجيد العطاوي]

انا في الماقف الغصّاب ماجاني كلل وانعاس=واميّز كيف مدخالي واميّز كيف مخراجي
ترا حضرم هل البحر ان لقوا قدّامهم محماس=يقولون لبعضهم (( ياولد صامولة الصاجي ))

[عمير الثبيتي]

عسى ربي يكافيك الشرور وكبست الكباس= نبا نضحك ونمزح معك لين النور ينباجي
فتشنا قدركم فاضي يقرقع جوفه الملاس = ولا ودي نفتش يا لعطاوي كل الادراجي

[عبدالمجيد العطاوي]

عسى ربّي يكافيك الشرور ولمسة اللمّاس=هذا المردود ولاّ النور للأصباح بوّاجي
تراني جاعلك لقمة على النيبان والأضراس=ولن فتّشت تلقى سيفنا ساطي وبعّاجي

آخر تعديل عبدالمجيد العطاوي يوم 10-Dec-2008 في 12:13 AM.