سلام الله على العراف واللي حاضر من الناس=
= وانا الليله مع معجب بلحجها تلحاجي
لحيثنه يشابك في سلوك الكهربا ء والماس =
= ليا مني نهيته قال ذا دربي ومنهاجي

هلا يامرحبا عداد ما ذعذع هوا النسناس=وانا عن معجب افلجها وانا للقوم فلاّجي
بديتوا وان بديتوا بالمشاكل ياعرب لاباس=ابى انحرها وابى انطحها وانا نطّاح الأفواجي

نعلمك البقا ياشاعراً جا للبحر غطاس = تنبه يالعطاوي غبته مع صفق الامواجي
شليويح العطاوي لو عطاك البندقه لاباس= أخافنه عطاك الاسم ولا الفعل هراجي

الا يابحر ياللّي ما يوجّه يمّك العسّاس=لو انّ الموج في غبّتك جايلّه تموّاجي
شليويح العطاوي ذكره الطيّب يرزّ الراس=وورث الفعل قدم الاسم قانوني ومنهاجي

عطاسك راح ونته ف أول المحرف معك عطاس= علومك كل بوها طيبه مانته بعلاجي
أنا ما ذمكم وأنتم رجالً للكرم والباس= ولكنك تنحرت البحر والبحر هداجي

انا في الماقف الغصّاب ماجاني كلل وانعاس=واميّز كيف مدخالي واميّز كيف مخراجي
ترا حضرم هل البحر ان لقوا قدّامهم محماس=يقولون لبعضهم (( ياولد صامولة الصاجي ))

عسى ربي يكافيك الشرور وكبست الكباس= نبا نضحك ونمزح معك لين النور ينباجي
فتشنا قدركم فاضي يقرقع جوفه الملاس = ولا ودي نفتش يا لعطاوي كل الادراجي

عسى ربّي يكافيك الشرور ولمسة اللمّاس=هذا المردود ولاّ النور للأصباح بوّاجي
تراني جاعلك لقمة على النيبان والأضراس=ولن فتّشت تلقى سيفنا ساطي وبعّاجي