اقرب شاااااااااااااااااااعر

[فهيد الايدا المورقي]

استلم

على القدس بسم الله نقود الطوابير=ومن ذل خله جالسٍ فالمراحي
عتابه عتابه يالرجال المناعير=مشينا مشينا واعلنوها صباحي

التوقيع

حسابي في تويتر faheed_1234

[مزلزل الشعار]

خلوها
دقايق يجيك الرد

[عقاب العنزي]

انا خايف ٍ ترجع قبل حزة اعصير = لاشفت المدافع والفشق والرماحي
والا يالعتيبي منت غازي على بعير = لاتنكب ربوعك يابعيد المشاحي

[فهيد الايدا المورقي]

عقاب العنزي حياك الله


استلم

ترانا هل الويلات واهل الاساطير=وكم من حريبٍ ذاق سمٍ ذحاحي
علامك تقال انك تهاب المقادير=ترانا هل الطلات وقت الصياحي

[عقاب العنزي]

الله يبقيك

ونعم ٍ بكم ولكل حاجه معايير = تبا تنطح العربان بليا سلاحي ؟
انا رجل اقول الحق من غير تزوير = وماحب الهروج اللي مافيها صلاحي

[فهيد الايدا المورقي]

استلم

تري الوائلي ربعه وجيهن مسافير=ولاضنتي عقب المهونه سماحي
صناديقنا صدة ولاعاد فيها خير=وعيت تطيب نفوسنا والجراحي

[عقاب العنزي]

ترى الوايلي يجزى هل َ الخير بالخير = ويقرّ الحقايق من جميع النواحي
تصبّر عسى الدنيا تسوق التباشير = ويجبر جناحك ياكسير الجناحي

[فهيد الايدا المورقي]

استلم

توكل على الله لاتحسب المخاسير = وشد الحزام اليوم وانو المراحي
نبا جنة الفردوس كب المعاثير=ونصرٍ يشيد له يزيد انشراحي

[فهيد الايدا المورقي]

عقاب العنزي صح لسانك على المجاراه الطيبه


والله يعطيك العافيه


القفله عندك


تحيتي

[$ الحــيــران $]

صحت ألسنتكم مبدعين