على القدس بسم الله نقود الطوابير=ومن ذل خله جالسٍ فالمراحي
عتابه عتابه يالرجال المناعير=مشينا مشينا واعلنوها صباحي

انا خايف ٍ ترجع قبل حزة اعصير = لاشفت المدافع والفشق والرماحي
والا يالعتيبي منت غازي على بعير = لاتنكب ربوعك يابعيد المشاحي

ترانا هل الويلات واهل الاساطير=وكم من حريبٍ ذاق سمٍ ذحاحي
علامك تقال انك تهاب المقادير=ترانا هل الطلات وقت الصياحي

ونعم ٍ بكم ولكل حاجه معايير = تبا تنطح العربان بليا سلاحي ؟
انا رجل اقول الحق من غير تزوير = وماحب الهروج اللي مافيها صلاحي

تري الوائلي ربعه وجيهن مسافير=ولاضنتي عقب المهونه سماحي
صناديقنا صدة ولاعاد فيها خير=وعيت تطيب نفوسنا والجراحي

ترى الوايلي يجزى هل َ الخير بالخير = ويقرّ الحقايق من جميع النواحي
تصبّر عسى الدنيا تسوق التباشير = ويجبر جناحك ياكسير الجناحي

توكل على الله لاتحسب المخاسير = وشد الحزام اليوم وانو المراحي
نبا جنة الفردوس كب المعاثير=ونصرٍ يشيد له يزيد انشراحي