حفل زايد بن فلاح العتيبي بمناسبة فوز النائب سعدون

[أبو مرحبا]

السلام عليكم ورحمة الله وبركاتة


أخواني ابناء قبيلة عتيبه لازالت عتيبة الكويت فرحه بفوز أبنها النائب سعدون العتيبي وقام ابناء القبيلة صغير وكبير بدعوة النائب للولائم التي يجتمع فيها ابناء القبيلة

قبل يومين أقام السيد زايد بن فلاح العتيبي عشاء بمناسبة فوز النائب سعدون العتيبي بكرسي مجلس الامة وحضره جمع غفير من ابناء القبيلة وقد شارك شعراء كثر أمثال حسين المقاطي وصالح عقاب العتيبي وشعراء اخرين

وقد تميز الشاعر صالح عقاب العتيبي بقصيدة صفق لها الحضور واعجبوا بشيلة القصيدة يقول فيها :

ســـــلام للــعتبــان بـــرقا مـــع روق = مــن شــــاعرن يــــــلعب على كل طاروق
انــتم هـــــــل الــميقاف مــن عــهد فــاروق =والله يـبـيـض وجــه زايــد جــمـعـنا
مبروك يا سعدون حماد مبروك =ما خابو العتبان من يوم سموك
بالحوت لنك تشبه الحوت يا خوك =والله يبيض وجه زايد جمعنا
عزالله إنك ترفع الرأس يا حوت=واللي مثل شرواك نرخص له الموت
ماهو خساره فيك عزالله الصوت=والله يبيض وجه زايد جمعنا
من دون قاصر في رجال القبيله =بيرق عتيبه انت كفوه وشيله
شيله يابوحماد بهون وسيله =والله يبيض وجه زايد جمعنا
ياالله انا طالبك يا خالق الكون =تجعل عتيبه كلها بصف سعدون
يستاهل الوقفه ويستاهل العون =والله يبيض وجه زايد جمعنا
سعدون ابن حماد عز لعتيبه=ما خاب ظن اللي يبا يعتزيبه
مواقف الرجال تشهد بطيبه=والله يبيض وجه زايد جمعنا
لاجيت ابوحماد والصدر ضايق =عزالله انه ينجلي في دقايق
شوفه يخلي ضايق الصدر رايق=والله يبيض وجه زايد جمعنا
في مجلسه موجود في كل ساعة =واليا نخيته قال سمعن وطاعة
ياحي رجالن يعز الجماعه =والله يبيض وجه زايد جمعنا
ماهو سوات اللي ليا حقق الفوز =يقفل الجوال وهالشي ما يجوز
ما تاجده موجود في ساعة العوز =والله يبيض وجه زايد جمعنا
اشر خلق الله رجلن بوجهين =يضحك معاك اليوم وينساك بعدين
ما يعرف المعروف ولا يوفي الدين =والله يبيض وجه زايد جمعنا
سعدون طيب ما يخلي ربوعه =ولو إيتعلا ما يغير طبوعه
والنفس يعسفها وتصبح قنوعه =والله يبيض وجه زايد جمعنا
لوكان بأمريكا وضده اوباما =يجيب للعتبان عرش الزعاما
هذي مواقيفه وياما وياما =والله يبيض وجه زايد جمعنا
بهديك يا سعدون بعض النصايح =ما دام ريح المسك والعود فايح
الكل من هالارض ميت ورايح =والله يبيض وجه زايد جمعنا
ما دام صرت اليوم في مجلس امة = الكل ياتيلك ويشيك همه
احرص على اللي دمكم مثل دمه =والله يبيض وجه زايد جمعنا
المال فتنه وحذر المال يغويك =كم واحدن يضعف ليا وقع الشيك
اليا رخصت النفس ضاعت مباديك = والله يبيض وجه زايد جمعنا
خل الشريعه قدم عينك على طول =مال الربا لو زاد له يوم ويزول
افهم وما كل زول بيعوض عن زول =والله يبيض وجه زايد جمعنا
المركزي يصدر قرارات فوضه=صار الكويتي يشتكي من قروضه
لا تتركه وتقول ربي يعوضه =والله يبيض وجخ زايد جمعنا
ترا البلد محكوم في حكم تجار = واكبر دليل السوق طايح ومنهار
حسبي على اللي فالخفى ولع النار =والله يبيض وجه زايد جمعنا
الكل من هالسوق ضايق وثاير =واسعار الاسهم مثل سعر الفطاير
ابيك تفزع لا تزيد الخساير =والله يبيض وجه زايد جمعنا
استجوب الجاني ولو كان من كان=وعلى المنصه اسحب افلان وفلان
لا تقول هذا سوق رابح وخسران =والله يبيض وجه زايد جمعنا
ترا خراب الدار لا جات الاحزاب =البعض ياخذ من تعاليم الاجناب
اقبل نصايح قالها صالح عقاب =والله يبيض وجه زايد جمعنا
وختامها صلو على ناشر الدين = اللي ظهر فالكون في يوم الاثنين
محمد المختار سيد المصلين= والله يبيض وجه زايد جمعنا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[محمد العتيبي]

سـلام للعتبـان برقـا مـع روق-من شاعرن يلعب على كل طاروق
انتم هل الميقاف من عهد فـاروق-والله يبيـض وجـه زايـد جمعنـا


قصيدة رائعه يستاهل من يصفق لها ويستاهل سعدون العتيبي ...

صح السان الشاعر صالح العتيبي...

لاهنت ياابومرحبا على النقل

التوقيع

للتواصل عبر twitter تويتر al_bargawy@

[ابو محمد الدعجاني]

لاهنت يابومرحبا وصح السان الشاعر صالح بن عقاب الغبيوي
ويستاهل الحوت المدح والفوز

[وثاب]

لاهنت يا ابو مرحبا

وسعدون يستاهل الله يوفقه ويوفق كل العتبان

وصح لسان الشاعر ابو عقاب قصيده جزله من شاعر جزل

تسلم يا الغالي

[عبدالرحمن الهيلوم]

حنا اهل نجد وبسيوف ملكناه


وغابت شموس اهله الاوليني




كفوووووووووو والله بالرجااااااال

ويالله توفق اعتيبة الهيلا لكل علم غانم

مشكووووووووووووور ابو متعب

[سطام العفار المزحمي]

نتمنى من الله فوز عتيبة الكاسح في الانتخابات القادمة باكثر من مقعدين
والشكر موصول لابو مرحبا على موضوعة وجديدة

[ابن ذكير]

لاهنت يا ابو مرحبا

وسعدون يستاهل الله يوفقه ويوفق كل العتبان

وصح لسان الشاعر ابو عقاب قصيده جزله من شاعر جزل

تسلم يا الغالي