قصيدة “الخوي” للشاعر علي سالم العازمي العتيبي

[عبدالله الدغيلبي]

قصيدة “الخوي” للشاعر علي سالم العازمي العتيبي


قرّب الموعد وقلبـي مستخيـر ونـاوي
حايرٍ بيـن الرحيـل وبيـن باقـي تـوّه
قلبي اللي يجذبه مرقـاب ذيـبٍ عـاوي
لين ولّع فالضلوع الحـدب واهـج ضـوّه
وان صبرت يضيع صبري والدهر ماياوي
وان جبرت النفس عيّت لا تجـي بالقـوّه
وان وقفت أحتار والمحتار مثـل الغـاوي
وان مشيت الدرب مأعرف خيرته من سوّه
يا دهر توّي من أوجاع المقـدّر ضـاوي
دوك وجهي من صواديف الدروب مشـوّه
اطوي سنيني وانا مانـي عليهـا قـاوي
واتحمل في زمـانٍ مـا صفالـي جـوّه
واتحرّى رفقـة اللـي للجـروح يـداوي
الرفيق الصافـي اللـي رفقتـه مرجـوّه
لازهمتـه يحتـزم مـا خيّـب الهقـاوي
واحتزم به لأختلـط عـج النهـار ونـوّه
والرفيق اللي ليـا بـان اللـزوم يـراوي
طو مقداره من أركـان الضمايـر طـوّه
وأعرف ان الطيب عنده والردى متساوي
يوم ربي كملـه مـا حـط فيـه مـروّه
والخوي اللي ليا شـان الزمـان يخـاوي
خوّة اللي غيـر هـذا مأعتبرهـا خـوّه


منقــــووول

[احمد منير الواصل]

والرفيق اللي ليـا بـان اللـزوم يـراوي
طو مقداره من أركـان الضمايـر طـوّه
وأعرف ان الطيب عنده والردى متساوي
يوم ربي كملـه مـا حـط فيـه مـروّه
والخوي اللي ليا شـان الزمـان يخـاوي
خوّة اللي غيـر هـذا مأعتبرهـا خـوّه

الله لايهينك اخوي عبدالله على النقل الرائع والقصيده الجميله وفيها الفرق بين الاخوه والصحبه الزينه والعكس
وصح والله لسان القرم شاعرنا علي سالم ودائمآ مبدع ونتمنى له التقدم والمسير في بحره الجزل
وبتوفيق ان شاء الله

[ابو نادر الحافي]

صح لسان ابوسالم وقصيده في قمه الروعه



عبدالله الدغليبي لاهنت على الطرح وتقبل مروري

[محمد العتيبي]

الله الله


شاعر مبدع جدا اعتدنا على استماع وقراءة أصالة الشعر منه ..



الف شكر يالغااالي ما قصرت ..



تحيتي
..

التوقيع

للتواصل عبر twitter تويتر al_bargawy@

[عبدالله الجـــذع]

شاعر جزل ابو سالم


كان ومازال مظلوم جدا من اعلام المحسوبيات


نتمنى ان تمتلىء القنوات بمثل هؤلاء الشعار


الف شكر لك

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[خالد بن مورق]

لاهنت على نقل القصيده صح السان الشاعر

[خالد حسين]

طوي سنيني وانا مانـي عليهـا قـاوي
واتحمل في زمـانٍ مـا صفالـي جـوّه

صح لســــــــانه

ولاهـنــت ع النـقــل

[الصارم 511]

بارك الله بك , شكراً أخي الكريم