الهيـــــــــــــلا *** منتدى قبيلة عتيبة - قصيدة “الخوي” للشاعر علي سالم العازمي العتيبي

- شعراء قبيلة عتيبة (http://www.otaibah.net/m/forumdisplay.php?f=46)

قصيدة “الخوي” للشاعر علي سالم العازمي العتيبي

قصيدة “الخوي” للشاعر علي سالم العازمي العتيبي

قرّب الموعد وقلبـي مستخيـر ونـاوي
حايرٍ بيـن الرحيـل وبيـن باقـي تـوّه
قلبي اللي يجذبه مرقـاب ذيـبٍ عـاوي
لين ولّع فالضلوع الحـدب واهـج ضـوّه
وان صبرت يضيع صبري والدهر ماياوي
وان جبرت النفس عيّت لا تجـي بالقـوّه
وان وقفت أحتار والمحتار مثـل الغـاوي
وان مشيت الدرب مأعرف خيرته من سوّه
يا دهر توّي من أوجاع المقـدّر ضـاوي
دوك وجهي من صواديف الدروب مشـوّه
اطوي سنيني وانا مانـي عليهـا قـاوي
واتحمل في زمـانٍ مـا صفالـي جـوّه
واتحرّى رفقـة اللـي للجـروح يـداوي
الرفيق الصافـي اللـي رفقتـه مرجـوّه
لازهمتـه يحتـزم مـا خيّـب الهقـاوي
واحتزم به لأختلـط عـج النهـار ونـوّه
والرفيق اللي ليـا بـان اللـزوم يـراوي
طو مقداره من أركـان الضمايـر طـوّه
وأعرف ان الطيب عنده والردى متساوي
يوم ربي كملـه مـا حـط فيـه مـروّه
والخوي اللي ليا شـان الزمـان يخـاوي
خوّة اللي غيـر هـذا مأعتبرهـا خـوّه

منقــــووول

والرفيق اللي ليـا بـان اللـزوم يـراوي
طو مقداره من أركـان الضمايـر طـوّه
وأعرف ان الطيب عنده والردى متساوي
يوم ربي كملـه مـا حـط فيـه مـروّه
والخوي اللي ليا شـان الزمـان يخـاوي
خوّة اللي غيـر هـذا مأعتبرهـا خـوّه

الله لايهينك اخوي عبدالله على النقل الرائع والقصيده الجميله وفيها الفرق بين الاخوه والصحبه الزينه والعكس
وصح والله لسان القرم شاعرنا علي سالم ودائمآ مبدع ونتمنى له التقدم والمسير في بحره الجزل
وبتوفيق ان شاء الله

صح لسان ابوسالم وقصيده في قمه الروعه

عبدالله الدغليبي لاهنت على الطرح وتقبل مروري

الله الله

شاعر مبدع جدا اعتدنا على استماع وقراءة أصالة الشعر منه ..

الف شكر يالغااالي ما قصرت ..

تحيتي
..

شاعر جزل ابو سالم

كان ومازال مظلوم جدا من اعلام المحسوبيات

نتمنى ان تمتلىء القنوات بمثل هؤلاء الشعار

الف شكر لك

محبك

لاهنت على نقل القصيده صح السان الشاعر

طوي سنيني وانا مانـي عليهـا قـاوي
واتحمل في زمـانٍ مـا صفالـي جـوّه

صح لســــــــانه

ولاهـنــت ع النـقــل

بارك الله بك , شكراً أخي الكريم