تطرف يا الفالح

[عبدالله الاصعر]

سلام يا اهل المنتدى اللي قدرهم دايم رفيع=اللابة اللي مايرحون العداء بحقوقها
ياالفالح اقرب وان تعدى الصيف يقفاه الربيع=جاك الخيال اللي مزونة ماتكف ابروقها

[بندر الهيلا]

طيب طيب

يالاصعر صح لسانك يالغالي
بدايه جزله من شاعر جزل

وصح لسان الفالح مقدماً

[محمد بن ثعلي]

صح لسانك يالاصعر
بدايه طيبه

وصح لسان بو فلاح مقدم

[علي فلاح العضياني]

يا مرحبا ترحيبةٍ تكفي عن عتيبه جميع=عداد ما يبدي شعاع الشمس وقت شروقها
اسمع كلام اللي يغنّي معك من بالٍ وسيع=أطيب علاك تصير تحت الارض ولاّ فوقها ؟؟؟؟

[عبدالله الاصعر]

الله يبارك في الرجال اللي يعرفون الصنيع= اللي تبيع وتشتري با الغالية في سوقها
لاتصدم الضلعان ثم يصير لك حادث شنيع=ان ما بغيت العافية ذوق المرارة ذوقها

[عيد العازمي]

صح لسانك يالاصعر


وصح لسان بو فلاح

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[عبدالله الاصعر]

بندر الهيلا

محمد بن ثعلي

العازمي

مشكورين على المرور ويعطيكم العافية على المشاركات الطيبة

وتحياتي،،،

[علي فلاح العضياني]

حنّا نبيع و نشتري فالسوق وانته ما تبيع=بنت الهلالي يالعتيبي ما تبا الاّ شوقها
كمّ مرّه اسندك يالاصعر و احدّرك التليع=واليوم تزمر والرجال تخمّها بحلوقها !!!!

[عبدالله الاصعر]

حنا عسفناها وطاعت عقب ما كانت صريع=السابقة تطلع بيدها ماش شي يعوقها
كم مره اذوقك يارجل الحماط امع النقيع=واليوم يالفالح علومك باليدين تحوقها

[بندر الهيلا]

طيب طيب

الليل الليل


سرى ليلكم ازهلوا الصف يالاصعر


صحت الالسن ولاهنتوا