سلام يا اهل المنتدى اللي قدرهم دايم رفيع=اللابة اللي مايرحون العداء بحقوقها
ياالفالح اقرب وان تعدى الصيف يقفاه الربيع=جاك الخيال اللي مزونة ماتكف ابروقها

يا مرحبا ترحيبةٍ تكفي عن عتيبه جميع=عداد ما يبدي شعاع الشمس وقت شروقها
اسمع كلام اللي يغنّي معك من بالٍ وسيع=أطيب علاك تصير تحت الارض ولاّ فوقها ؟؟؟؟

الله يبارك في الرجال اللي يعرفون الصنيع= اللي تبيع وتشتري با الغالية في سوقها
لاتصدم الضلعان ثم يصير لك حادث شنيع=ان ما بغيت العافية ذوق المرارة ذوقها

حنّا نبيع و نشتري فالسوق وانته ما تبيع=بنت الهلالي يالعتيبي ما تبا الاّ شوقها
كمّ مرّه اسندك يالاصعر و احدّرك التليع=واليوم تزمر والرجال تخمّها بحلوقها !!!!

حنا عسفناها وطاعت عقب ما كانت صريع=السابقة تطلع بيدها ماش شي يعوقها
كم مره اذوقك يارجل الحماط امع النقيع=واليوم يالفالح علومك باليدين تحوقها