حبيبي لاتروح وكان ماتقدر وتبغى تروح = دخيلك لاتفكر يوم يامحبوب تنساني ...

[بدرالهبيري]

بسم الله الرحمن الرحيم

السلام عليكم ورحمة الله وبركاته

اقدم لكم هذه القصيده الكيبورديه
وامل ان تعجبكم ..

حبيبي لاتخليني وترحل ياعديل الروح = وانا دونك مااعرف اسمي ولارقمي وعنواني
ترى قربك معه عمري سعاده غامره وفروح =وغيرك مايهم ولو يجي ويطق بيباني
معك طعم الحياه وشهدها في داخلي مسفوح=معك وقتي أحس انه يخالف كل الاحياني
اذا خليتني وابعدت قلي وين انا بااروح = أهيم بخطوتي في كل يوم بعالم احزاني
دخيلك لاتخليني وحيد وخافقي مذبوح = دخيلك يابعد كل العرب ووجيه خلاني
احس ان كنت جنبي بالدفا وترد فيْ الروح = وقلبك عارف انه ممتلي عطف ٍ وتحناني
أحبك واهتني لاجيتلك صادق ونا مجروح=وشوفك بلسم جروحي الا من كنت تعباني
حبيبي لاتروح وكان ماتقدر وتبغى تروح=دخيلك لاتفكر يوم يامحبوب تنساني
وانا ماني بناسي ياحبيبي لو تزيد جروح =وحبك وسط قلبي حافره ماهو بيخفاني

وسلامتكم ..
تحياتي وتقديري .. بدرعيد ..

[مرزوق حمدان العتيبي]

..
.
ابداع صح الله عليه لسانك
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[السميــــــري]

صح لسانك يابدر ..
ولاهنت يامبدع .. نتظر أبداعك ..

[بدرالهبيري]

الشاعر مرزوق العتيبي : صح بدنك
والله يديم لنا شرواك يالقرم ..
تحياتي وتقديري .. بدرعيد ..

[بدرالهبيري]

الاخ الغالي السميري صح بدنك ومتابعتك
تشرفني طال عمرك والله لايهينك ...
تحياتي وتقديري .. بدرعيد ..