حبيبي لاتخليني وترحل ياعديل الروح = وانا دونك مااعرف اسمي ولارقمي وعنواني
ترى قربك معه عمري سعاده غامره وفروح =وغيرك مايهم ولو يجي ويطق بيباني
معك طعم الحياه وشهدها في داخلي مسفوح=معك وقتي أحس انه يخالف كل الاحياني
اذا خليتني وابعدت قلي وين انا بااروح = أهيم بخطوتي في كل يوم بعالم احزاني
دخيلك لاتخليني وحيد وخافقي مذبوح = دخيلك يابعد كل العرب ووجيه خلاني
احس ان كنت جنبي بالدفا وترد فيْ الروح = وقلبك عارف انه ممتلي عطف ٍ وتحناني
أحبك واهتني لاجيتلك صادق ونا مجروح=وشوفك بلسم جروحي الا من كنت تعباني
حبيبي لاتروح وكان ماتقدر وتبغى تروح=دخيلك لاتفكر يوم يامحبوب تنساني
وانا ماني بناسي ياحبيبي لو تزيد جروح =وحبك وسط قلبي حافره ماهو بيخفاني