][ أقوى محاورات رشيد الزلامي ومحمد السناني ][

[جابر الجهني]

محاورة رائعه بكل ما تعنيه الكلمه..

جمعت بين (رشيد الزلامي العتيبي X محمد السناني الجهني)

فيها من المعاني الشيء الكثير..مما يصعب على الكثير منّا تفسيرها..

وقد جمعت أقوى وأرقى الفتل والنقض..

كيف لا وقد جمعت بين اثنين من اكبر شعراء المحاوره..!




رشيد الزلامي:

هلا يا مرحبا ترحيبة ترضي جميـع القـوم=وأنا مدري جهينه وش يزعلهـا ويرضيهـا
تراني ما نشدتك يالسناني عن علوم اليـوم=أبا انشد عن علوم لي شهر وأسبوع موحيها

محمد السناني:

يدوم بك البقا والقوم ما ترضى بحب خشوم=تقدم يالزلامـي للقضيـه وانـت قاضيهـا
سمعنا كلمة الظالم سمعنا دعوة المظلـوم=تداوي علـة المظلـوم والا مـا تداويهـا

رشيد الزلامي:

ليا جت للقضا خليت عينك ماتذوق النـوم=على شأن الحصاه اللي من الهضبه تدربيها
أنا والله ما قسمت الحلال ولا حضرة قسوم=لكن اشكوا على رب ليا خربـت يسويهـا

محمد السناني:

أقول الحمد لله يالزلامي ما عليه لـوم=أعرف انك تكحل عينها والصبح تعميها
من اللي قسم التفاح والرمان والبرشوم=أظن أصحابك الغالين ماليتن مخابيهـا

رشيد الزلامي:

اكحل لي عيون رجال لن جا في العلوم علوم=وليلـى مـا نكحلهـا يكحلهـا بناخيـهـا
أحد يأكل من النخله واحد من شجرة الزقوم=اخذها يا ولد متـروك واقبلهـا بمـا فيهـا

محمد السناني:

أعرف انك سلالة قوم ما أنت من الظفر محروم=لكن فالربـع افنديـه عليـك تطـول أياديهـا
ما دام انك من البارح قسمت القوم فرس وروم=ترى كل محاسـب بالصـلاه اللـي يصليهـا

رشيد الزلامي:

يا مشا الله يبي ينفخ شريم وبرطمه مشروم=ليا حاول يشب النار جاهـا مـن يطفيهـا
ليا ضيعتها في وقتها مانـي بهـا ملـزوم=عساكم في الجحيم وذمتـي منكـم مبريهـا

محمد السناني:

أراد الله ومن نجم السما طاحن ثلاث نجوم=عسى الله لا يعين اللي على راسه مضويها
وحنا نحترمك ولا نبيح بسـرك المكتـوم=نخاف الله لو انك صرت حاميها حراميهـا

[ابوبجاد الرويس]

الله الله

مشكور اخوي جابر والله لا يهنيك

على المحاوره القويه والشعراء المتميزين

لاهنت

[ابراهيم الزراقي]

ياسلام عليك يالجهني عزالله انك جبنها على الجرح من زمان وانا ادور لرشيد الزلامي

مشكور ثم مشكور الف مره

[رشيد النقريني]

مشكور اخوي جابر الجهني على النقل الجميل

ولاهنت والله

[ذيب الجهني]

مبدع دائماً ياولد العم