هلا يا مرحبا ترحيبة ترضي جميـع القـوم=وأنا مدري جهينه وش يزعلهـا ويرضيهـا
تراني ما نشدتك يالسناني عن علوم اليـوم=أبا انشد عن علوم لي شهر وأسبوع موحيها

يدوم بك البقا والقوم ما ترضى بحب خشوم=تقدم يالزلامـي للقضيـه وانـت قاضيهـا
سمعنا كلمة الظالم سمعنا دعوة المظلـوم=تداوي علـة المظلـوم والا مـا تداويهـا

ليا جت للقضا خليت عينك ماتذوق النـوم=على شأن الحصاه اللي من الهضبه تدربيها
أنا والله ما قسمت الحلال ولا حضرة قسوم=لكن اشكوا على رب ليا خربـت يسويهـا

أقول الحمد لله يالزلامي ما عليه لـوم=أعرف انك تكحل عينها والصبح تعميها
من اللي قسم التفاح والرمان والبرشوم=أظن أصحابك الغالين ماليتن مخابيهـا

اكحل لي عيون رجال لن جا في العلوم علوم=وليلـى مـا نكحلهـا يكحلهـا بناخيـهـا
أحد يأكل من النخله واحد من شجرة الزقوم=اخذها يا ولد متـروك واقبلهـا بمـا فيهـا

أعرف انك سلالة قوم ما أنت من الظفر محروم=لكن فالربـع افنديـه عليـك تطـول أياديهـا
ما دام انك من البارح قسمت القوم فرس وروم=ترى كل محاسـب بالصـلاه اللـي يصليهـا

يا مشا الله يبي ينفخ شريم وبرطمه مشروم=ليا حاول يشب النار جاهـا مـن يطفيهـا
ليا ضيعتها في وقتها مانـي بهـا ملـزوم=عساكم في الجحيم وذمتـي منكـم مبريهـا

أراد الله ومن نجم السما طاحن ثلاث نجوم=عسى الله لا يعين اللي على راسه مضويها
وحنا نحترمك ولا نبيح بسـرك المكتـوم=نخاف الله لو انك صرت حاميها حراميهـا