مرزوق لاهنت روح جاي

[بعيـد الهقاوي]

تعال يامرزوق والقاسي يلين=نبا نسولف والسوالف عانها
وين البعير أشعيل ابو جنب(ن) متين=دارت به الدنيا على ذرعانها

[الأمــير]

طاروق جميل والى الامام ..............

[أبو نجر النفيعي]

يا سلام يا سلام


مبدا كايف من شاعر مبدع
وصح السانك

وننتظر مرزووق العتيبي


ومتااابعين...

التوقيع

.....

[مرزوق حمدان العتيبي]

هات السوالف هاتها والله يعين = ماتشتكي نفس ٍ وربي عانها
العلم عندك ياعشير الغانمين = ذي حالة الدنيا وهذا شانها

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مرزوق حمدان العتيبي]

..
.

ذيب الحنابج
وابو نجر نورتوا الصفحه ومية هلا

...

[بعيـد الهقاوي]

الله الله

أمسيلمه تبغا تحكم المسلمين=صفحة زمن مار أنمسح عنوانها
من لا سعى للطيبه والطيب زين=يرحل وتبقا سيته بلوانها

[مرزوق حمدان العتيبي]

..
الله الله

إمسيلمه كـــــذاب مايلقى عوين =نفسه على فعل الرديه هانها
والطيب لهل الطيب مقصود ٍ ثمين = سلعه ماكل ٍ يستطيع اثمانها

[بعيـد الهقاوي]

الله يلوم اللي يلوم اللايمين=هزت عمود البيت هرج السانها
والله يخلي صاحب المد السمين=ولد النعيري لا شتبك دخانها

[مرزوق حمدان العتيبي]

آآمين يالله لاتهين المخلصين = اللي يبون العدل في ميزانها
انته وانا ووجود كل الطيبين = البيت في راس الجبل مسكانها

[بعيـد الهقاوي]

عهد(ن) عليه والعهد مثل اليمين=واشره على منهو عهوده خانها
اني لكم ياصاحبي مثل اليمين=عز الديار العامره سكانها