يالله ياللي في يديك المفاتيح/ فارس الصوينع

[قـنـاص الـقـوافي]

السلام عليكم ورحمة الله وبركاته
يشرفني طرح مايلي وأعتذر عن الإطاله فيها


يالله ياللي في يديك المفاتيح…ياللي بيدك الضيق وافراج ضيقي
اتعينني في ظرب كل المكابيح…عن معصيتك وفعل مالا يليقي

وتشيلني لاجيت من حملي اطيح…يكفيني اني من همومي عويقي
ماعدت اميز بين جد وتمازيح…مثل الحزين الي بصمته غريقي

وتحفظلي اسراري لياجيت ابابيح…حيث ان مالي في الزمن ذا صديقي
وشلي بوقت ٍ يندر ابه الزحازيح…ويندربه اللي من ذنوبه يفيقي

وقت ٍ هله في كل حاجه مشافيح…وش خانة الاموال عند الشقيقي؟
من عقب وقت ٍ فيه للعز ترجيح…والمال يبذل للاخو والرفيقي

جعل الردي كناز الاموال للريح…لاخير في ماله ليامنه سيقي
من لابذل ماله على هبة الريح…يصبح على فرقا النشاما حقيقي

ويقوم من صكات الايام ويطيح…ويصير للعلات دايم وفيقي
وتلعبه الدنيا سوات المراجيح…وتركي عليه إلين مالا يطيقي

وهذا كلام الحق من دون تجريح..يشهر كما حر ٍ جناحه طليقي
ولاشك به من له فتيل ومقاديح…في راس رجم ٍ للمراجل شهيقي

هذا ونا وضحت الامثال توضيح…توضيح شاعر بالكلام الوثيقي



تحياتي
فارس بن طلق الصوينع الدعجاني

[سنان الرمح]

صح لسانك ياقناص القوافي

[محمد الذيابـــي]

لاهنت يالغالي



قصيدة رائعه

التوقيع

التوقيع محمد الذيابـــي

[ضيف الله العالي]

بالكلام آلوثيقي / الله عليك ، مبدع "

وصح لســانك .. عدد مافي هالوقت مشافيــح ،،

تقبل مروري وتحيتي

،،

[سعد المسـعودي]

أبيض وجه يابوطلق ..

مبدع كماأعتدتك ..

فصح لسانك مدد لاعدد


أحتراامي

التوقيع

[الموج]

قناص القوافي صح لسانك يالغالي
المـــوج\أبــو حـــاتــم

[عـقـــــــــــاب]

صح الله لساااانكـ يالصوينع

[قـنـاص الـقـوافي]

سنان الرماح
صح بدنك ولاهنت
تحيتي لك يالغالي

[قـنـاص الـقـوافي]

محمد الذيابي لاهنت
صح بدنك يالغالي
تحيتي

[قـنـاص الـقـوافي]

ضيف الله صح بدنك يالذيب
اشكرلك مرورك الجميل المعتاد
تحيتي