يالله ياللي في يديك المفاتيح/ فارس الصوينع
 

السلام عليكم ورحمة الله وبركاته
يشرفني طرح مايلي وأعتذر عن الإطاله فيها


يالله ياللي في يديك المفاتيح…ياللي بيدك الضيق وافراج ضيقي
اتعينني في ظرب كل المكابيح…عن معصيتك وفعل مالا يليقي

وتشيلني لاجيت من حملي اطيح…يكفيني اني من همومي عويقي
ماعدت اميز بين جد وتمازيح…مثل الحزين الي بصمته غريقي

وتحفظلي اسراري لياجيت ابابيح…حيث ان مالي في الزمن ذا صديقي
وشلي بوقت ٍ يندر ابه الزحازيح…ويندربه اللي من ذنوبه يفيقي

وقت ٍ هله في كل حاجه مشافيح…وش خانة الاموال عند الشقيقي؟
من عقب وقت ٍ فيه للعز ترجيح…والمال يبذل للاخو والرفيقي

جعل الردي كناز الاموال للريح…لاخير في ماله ليامنه سيقي
من لابذل ماله على هبة الريح…يصبح على فرقا النشاما حقيقي

ويقوم من صكات الايام ويطيح…ويصير للعلات دايم وفيقي
وتلعبه الدنيا سوات المراجيح…وتركي عليه إلين مالا يطيقي

وهذا كلام الحق من دون تجريح..يشهر كما حر ٍ جناحه طليقي
ولاشك به من له فتيل ومقاديح…في راس رجم ٍ للمراجل شهيقي

هذا ونا وضحت الامثال توضيح…توضيح شاعر بالكلام الوثيقي



تحياتي
فارس بن طلق الصوينع الدعجاني

صح لسانك ياقناص القوافي

لاهنت يالغالي



قصيدة رائعه

قناص القوافي صح لسانك يالغالي
المـــوج\أبــو حـــاتــم

صح الله لساااانكـ يالصوينع

سنان الرماح
صح بدنك ولاهنت
تحيتي لك يالغالي

محمد الذيابي لاهنت
صح بدنك يالغالي
تحيتي

ضيف الله صح بدنك يالذيب
اشكرلك مرورك الجميل المعتاد
تحيتي