شاعـــر وعضــو المنتدى

[محمد الذيابـــي]

:


:

سلام الله على الهيلا وموقعها ومن يوحون=وانا شاعر وعضو المنتدى والصدق عنواني
ياربعي مايصح الا الصحيح وكلكم تدرون=ولا بد الحقايق تنكشف مع طول الازماني
على درب المراجل سارت أقدامي وانا مديون=لبوي اللي على العليا مربيني ووصاني
مومني على التقوى ودين الله وانا مامون=ولا زكيت نفسي مير رب الكون قداني
توثقنا من العدوان واثر المشكله من دون=لقيت المشكله ياصاحبي من دون عدواني
تجاهلت النصايح عنه يوم أن العرب ينهون=عن الشخص المرأئي والجحود بوجه والواني
طعني في قفاي وجا يكلمني وانا مطعون=ونشدته عن سواته مير قام يجيب الادياني
وفهمت الدرس من شرح الزمان ورمحه المسنون =ولاظن الزمن يذنب لكن الذنب للجاني
بغيت ادمح خطاه وقلت يانفسي عليك الهون=اباه يروح عني لا يجيني علمه الثاني
وانااشوف الصداقه كنز بس الناس مايبغون=يبون المصلحه يوم المصالح شانها شاني
يقولون احسن النيه واقول الناس وش يبغون=بعد شافو وش اللي صار مايحتاج برهاني
يقولون الرفاقه دورها واجب واقول اشلون=وانا لابد أميز كل كلمه ماتعداني
ردي الحظ ماله فالحنايا بيت لو يسعون=ولو اني على بعض السوالف بحفظ لساني
مثل خوتك ياعياد مالقى لو الف الكون=اقوله وانت من معدن عريق غال الأثماني
مدام أني على وجه البسيطه حي أنا ممنون=أنا ممنون لك يوم الخوي يبور بالثاني
سلامي للرجال اهل الوفا والطيب لو يوحون=وانا شاعر ومبداي السعد والطيب عنواني

مثل خوتك ياعياد مالقى لو الف الكون=اقوله وانت من معدن عريق غال الأثماني
مدام أني على وجه البسيطه حي أنا ممنون=أنا ممنون لك يوم الخوي يبور بالثاني

المقصود بهذين البيتين: أخي وصديقي عياد بن دخيل الله بن شنيف العازمي العتيبي


وتقبلوا تحياتي

التوقيع

التوقيع محمد الذيابـــي