سلام الله على الهيلا وموقعها ومن يوحون=وانا شاعر وعضو المنتدى والصدق عنواني
ياربعي مايصح الا الصحيح وكلكم تدرون=ولا بد الحقايق تنكشف مع طول الازماني
على درب المراجل سارت أقدامي وانا مديون=لبوي اللي على العليا مربيني ووصاني
مومني على التقوى ودين الله وانا مامون=ولا زكيت نفسي مير رب الكون قداني
توثقنا من العدوان واثر المشكله من دون=لقيت المشكله ياصاحبي من دون عدواني
تجاهلت النصايح عنه يوم أن العرب ينهون=عن الشخص المرأئي والجحود بوجه والواني
طعني في قفاي وجا يكلمني وانا مطعون=ونشدته عن سواته مير قام يجيب الادياني
وفهمت الدرس من شرح الزمان ورمحه المسنون =ولاظن الزمن يذنب لكن الذنب للجاني
بغيت ادمح خطاه وقلت يانفسي عليك الهون=اباه يروح عني لا يجيني علمه الثاني
وانااشوف الصداقه كنز بس الناس مايبغون=يبون المصلحه يوم المصالح شانها شاني
يقولون احسن النيه واقول الناس وش يبغون=بعد شافو وش اللي صار مايحتاج برهاني
يقولون الرفاقه دورها واجب واقول اشلون=وانا لابد أميز كل كلمه ماتعداني
ردي الحظ ماله فالحنايا بيت لو يسعون=ولو اني على بعض السوالف بحفظ لساني
مثل خوتك ياعياد مالقى لو الف الكون=اقوله وانت من معدن عريق غال الأثماني
مدام أني على وجه البسيطه حي أنا ممنون=أنا ممنون لك يوم الخوي يبور بالثاني
سلامي للرجال اهل الوفا والطيب لو يوحون=وانا شاعر ومبداي السعد والطيب عنواني

مثل خوتك ياعياد مالقى لو الف الكون=اقوله وانت من معدن عريق غال الأثماني
مدام أني على وجه البسيطه حي أنا ممنون=أنا ممنون لك يوم الخوي يبور بالثاني

المشاركة الأصلية كتبت بواسطة سلمان المرشدي (المشاركة 1212493) صح لسانك واعتلئ شانك يامحمد الذيابي ابدعت و وفيت ياطويل العمر وتقبل تحياتي يالذيابي

المشاركة الأصلية كتبت بواسطة حمود بن خيشوم العصيمي (المشاركة 1212494) صح لسانك يامحمد من أجمل ما قرأت من القصائد ذات الهدف المحدد الواضح المعالم أجدت وأبدعت ولا غرابه في ذلك وعياد أكيد يستاهل ما قلت فيه تحيتي

المشاركة الأصلية كتبت بواسطة محمد الذيابي (المشاركة 1212491) : : سلام الله على الهيلا وموقعها ومن يوحون=وانا شاعر وعضو المنتدى والصدق عنواني ياربعي مايصح الا الصحيح وكلكم تدرون=ولا بد الحقايق تنكشف مع طول الازماني على درب المراجل سارت أقدامي وانا مديون= وتقبلوا تحياتي

المشاركة الأصلية كتبت بواسطة فيصل المسعودي (المشاركة 1212513) صح الله لسانك يالذيابي على هالجزلة بدون أي مجاملة وأدام الله رفقتك أنت وعياد على العز والمعزة والنقاء وحي الصداقة اللي على عز وأصول أشهد بالله إنها من أغلى كنوز الدنيا لكن الرجل لازم يجي مثل الجبل اللي يجوز له يرقاه واللي ما يجوز له يدحدره من أول صعود له كل التحايا لك

المشاركة الأصلية كتبت بواسطة عـقـــــــــــاب (المشاركة 1212520) اسمحلي ع التعليق وصلت الى هنا ......ولا مايحتااااج هههههههههههاي صح لسسااننككـ ياسنايدي مليوووووووووووووووووون ونعم بكـ و بخويكـ تحيتي:)