محاوره بين ابراهيم الجذع و فيحان القعياني

[ابراهيم الجـــــذع]

ابراهيم الجـــــذع

مرحبا في حفل ربعي منزحة الحريب=عد همال المخايل ونوض بروقها
العلوم الطيبه ما تجازا الا بطيب=والعلوم الثانيه ما دخلنا سوقها

فيحان القعياني

البقا بك يا المرحب وحنا لك نجيب=والرجال الطيبه ما تضيع حقوقها
هذي الدنيا كذا يا عجايب يا عجيب=كل واحد يركب الطايره ويسوقها

ابراهيم الجـــــذع

المطيري شاعرٍ لا يحضر ولا يغيب=ولو ابه شمسٍ من الأمس بان شروقها
خلها يا صاحبي بيننا سمن وحليب=المعرفه صاحبك شدها بسبوقها

فيحان القعياني

لا تقوله وأنت خابر علومي في حبيب=لا تصب الشاذليه يلين تذوقها
جيتكم بالعلم والعلم جبته من قريب=في طرفكم حيةٍ سمها بشدوقها

ابراهيم الجـــــذع

كان سندت الجبل لا تميل مع الشعيب=والمعاني لا تقدم لنا مطروقها
كانك أنت ذيب فالناس يا فيحان ذيب=أن رقص شيطانها وأن زرق زاروقها

فيحان القعياني

يا ابراهيم أنت صاحب ويا نعم الصحيب=مير مره من تحتها ومره فوقها
المريض اليوم عيا يداويه الطبيب=والدوى من شجرةٍ يا بسات عروقها

ابراهيم الجـــــذع

كان راحت رمي صايب ورميٍ ما يصيب=قمت واكحل مذنب العين والا موقها
منت جساس ابن مره ولا وايل كليب=والعرب تبقا على ساسها وعموقها

فيحان القعياني

كلمتك هذي عليها نبا نكتب صليب=والرجال أهل الوفا عادتي ما بوقها
يا قمر عشرين قدام وقتك لا تغيب=العرب ضاعت غنمها وضاعت نوقها

ابراهيم الجـــــذع

أنت شايب يا المطاري عسى عقلك يشيب=الزبيديه تجي في طرف رقروقها

التوقيع

الذم ما يهفي للأجواد ميزان=والمدح ما طول قصار الأيادي

آخر تعديل ابراهيم الجـــــذع يوم 21-Aug-2010 في 08:29 PM.

[خلف المطيري]

صحت الالسن والقلوب جميع

[ماجد العصيمي]

مالك ومال فيحان


مانزلتها باليوتيوب؟


صح لسانك وإلى الأمام

[ابو البيرق]

منـت جسـاس ابـن مـره ولا وايـل كليـب
والعـرب تبقـا عـلـى ساسـهـا وعموقـهـا

صح السااااانك ولسان القعياني

محاوره قويه تسلم على نقلها

[ابراهيم الجـــــذع]

المشاركة الأصلية كتبت بواسطة ابو البيرق

منـت جسـاس ابـن مـره ولا وايـل كليـب
والعـرب تبقـا عـلـى ساسـهـا وعموقـهـا

صح السااااانك ولسان القعياني

محاوره قويه تسلم على نقلها

صح بدنك ابو البيرق

اشكرك على لطفك وتواصلك يا الغالي

[ابراهيم الجـــــذع]

صح بدنك أخوي جبل صايد

اشكرك على لطفك وتواصلك يا الغالي

[ابراهيم الجـــــذع]

صح بدنك يا شبل مرجحين الموازين

سرني مرورك

[فهد علي العازمي]

صحت قلوووووووووبكم جميعاااااااا

[ابراهيم الجـــــذع]

المشاركة الأصلية كتبت بواسطة فهد علي العازمي

صحت قلوووووووووبكم جميعاااااااا

صح بدنك أخوي فهد

شرفني مرورك يا الغالي

[ولدعساف]

صحت الألسن والقلوب !!

,,

مبدع يابو نايف والله يوفقك .. دمت بود !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها