مرحبا في حفل ربعي منزحة الحريب=عد همال المخايل ونوض بروقها
العلوم الطيبه ما تجازا الا بطيب=والعلوم الثانيه ما دخلنا سوقها

البقا بك يا المرحب وحنا لك نجيب=والرجال الطيبه ما تضيع حقوقها
هذي الدنيا كذا يا عجايب يا عجيب=كل واحد يركب الطايره ويسوقها

المطيري شاعرٍ لا يحضر ولا يغيب=ولو ابه شمسٍ من الأمس بان شروقها
خلها يا صاحبي بيننا سمن وحليب=المعرفه صاحبك شدها بسبوقها

لا تقوله وأنت خابر علومي في حبيب=لا تصب الشاذليه يلين تذوقها
جيتكم بالعلم والعلم جبته من قريب=في طرفكم حيةٍ سمها بشدوقها

كان سندت الجبل لا تميل مع الشعيب=والمعاني لا تقدم لنا مطروقها
كانك أنت ذيب فالناس يا فيحان ذيب=أن رقص شيطانها وأن زرق زاروقها

يا ابراهيم أنت صاحب ويا نعم الصحيب=مير مره من تحتها ومره فوقها
المريض اليوم عيا يداويه الطبيب=والدوى من شجرةٍ يا بسات عروقها

كان راحت رمي صايب ورميٍ ما يصيب=قمت واكحل مذنب العين والا موقها
منت جساس ابن مره ولا وايل كليب=والعرب تبقا على ساسها وعموقها

كلمتك هذي عليها نبا نكتب صليب=والرجال أهل الوفا عادتي ما بوقها
يا قمر عشرين قدام وقتك لا تغيب=العرب ضاعت غنمها وضاعت نوقها

أنت شايب يا المطاري عسى عقلك يشيب=الزبيديه تجي في طرف رقروقها

المشاركة الأصلية كتبت بواسطة ابو البيرق (المشاركة 1080998) منـت جسـاس ابـن مـره ولا وايـل كليـب والعـرب تبقـا عـلـى ساسـهـا وعموقـهـا صح السااااانك ولسان القعياني محاوره قويه تسلم على نقلها