يا اصفر عفيف الي سكن جنبكم وين * * * الي الى جيت البلد ما اتعداه

[مشاري الحبردي]

السلام عليكم ورحمة الله وبركاته


احد ابطال قبيلة عتيبة الهيلا البطل سعود بن بخيت الحبردي - رحمه الله تعالى - وهو من ضمن المشاركين في حرب فلسطين مع اخوانه ابناء وطنه .....وهو من سكان محافظة عفيف .
وقد رثاه الشاعر مطلق بن هادي في هذه قصيدة .

اترككم معها :

يا اصفر عفيف الي سكن جنبكم وين = الي الى جيت البلد ما اتعداه
يا اصفر عفيف الله يحدك على الشين = وراك ماتبكي قصيرك وتنعاه
وراك ماتبكي عزيز العزيزين = رجل الرجال الي حميده سجاياه
ليته بعيد الدار لو كان بالصين = وليته مع الحيين حتى اترجاه
وليتني اشوفه حلم والناس نايمين = واعلمه بأسرار قلب تمناه
وليته حضر معنا فرحنا على الزين = الي الى جتنا المواقف ذكرناه
ابا اذكرك يا سعود حين بعد حين = ما دام نفسي في جسدها معافاه
وبذكره ياعمير* لو كان مبطين = الى شفت قصره كن عيني تحلاه
كني بصوته له رنين بالاذنين = وايضا اتخيل في خياله وحلياه
بس اتصور صورته داخل العين = ماتمحي الصورة وطلعة محياه
ماينسى مثله عشير الكريمين = الي على وضح النقى دوم ممشاه
ولنا رجاء معقود في شخص الاثنين = محسن وفيصل* والدروب المسواه
يجون مثله ماتجيه الشياطين = على النقى والطيب مشيه ومبداه
الله يغفر زلته قولو امين = وفي جنة الفردوس روحه وماواه

*عمير هو شقيق الشاعر رحمه الله
*محسن وفيصل ابناء سعود رحمه الله


والسلام عليكم ورحمة الله وبركاته

[يوسف العازمي]

الله يرحمهم ويرحم كل المسلمين

وصح لسان الشاعر مطلق بن هادي


ولاهنت

[ذيب العازمي]

رحمه الله سعود واسكنه فسيح جناته

وصح لسان الشاعر/مطلق بن هادي على هذه القصيده

وتسلم يد ناقل القصيده

[ابو فيصل الحربي]

تسلم يا مشاري والله يرحمه ويرحم اموات المسلمين اجمعين
وصح السان الشاعر وسلمت يد الناقل


تقبل مروري ابو فيصل الحربي

[مشاري الحبردي]

المشاركة الأصلية كتبت بواسطة يوسف العازمي

الله يرحمهم ويرحم كل المسلمين

وصح لسان الشاعر مطلق بن هادي


ولاهنت

صح بدنك



ولاانت

[مشاري الحبردي]

المشاركة الأصلية كتبت بواسطة ذيب العازمي

رحمه الله سعود واسكنه فسيح جناته

وصح لسان الشاعر/مطلق بن هادي على هذه القصيده

وتسلم يد ناقل القصيده

اللهم امين

وصح بدنك

وسلمت