يالصقيل المجرب وش ورى الاسم ذاه

[:: محمد النفيعي ::]

يالصقيل المجرب وش ورا الاسم ذاه=هو على الاسم ولاالفعل يابن الحلال
كان ماشفت نوض البرق بين شعاه=مالك الا البلاجيك الطوال الثقال

[عزوز النفيعي]

يالنفيعي تهز الضلع جتك الحصاه=ويش حدك على مرقا طوال الجبال
ماعلا الذيب من ذيبٍ قطعنّا عواه=سارح الصبح يضوي مثل روح وتعال

آخر تعديل عزوز النفيعي يوم 05-Jan-2010 في 12:28 AM.

[:: محمد النفيعي ::]

طبعا الديناميت ايقض ضلع السراه=اسمع العلم ماهو فلم في كل حال
كان ماحملك واعلمك فالعصاه=عقب اصويحبك فنجال صفر الدلال

[عزوز النفيعي]

ما خبرنّا الهلالي تحت كّم العباه=ياعميلٍ وبقعا غرّته بالدلال
أنت حولك قضيه وأنت فيك اشتباه=وآخر الجمّ حالي لو رميت المحال

[:: محمد النفيعي ::]

اسم واضح وناصح حول كل اتجاه=البلا والجلا في اللي ورى السد طال
القضايا تميزها عقول القضاه=لاتظن وتهقوا وانت قاصر حبال

[عزوز النفيعي]

الكتاب المغرّى وجه ولا قفاه=ماتحصل جوابه ضاع وسط السؤال
بندقٍ ثايره والذيب محدٍ رماه=ماعرفت الكبود ولا عرفت الطحال

[ولدعساف]

صحت الالسن و القلوب

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[صاهود]

صجت الالسن والقلوب جميع

مبدعين

وسبقتوا اعماركم ماشالله عليكم