يالصقيل المجرب وش ورا الاسم ذاه=هو على الاسم ولاالفعل يابن الحلال
كان ماشفت نوض البرق بين شعاه=مالك الا البلاجيك الطوال الثقال

يالنفيعي تهز الضلع جتك الحصاه=ويش حدك على مرقا طوال الجبال
ماعلا الذيب من ذيبٍ قطعنّا عواه=سارح الصبح يضوي مثل روح وتعال

طبعا الديناميت ايقض ضلع السراه=اسمع العلم ماهو فلم في كل حال
كان ماحملك واعلمك فالعصاه=عقب اصويحبك فنجال صفر الدلال

ما خبرنّا الهلالي تحت كّم العباه=ياعميلٍ وبقعا غرّته بالدلال
أنت حولك قضيه وأنت فيك اشتباه=وآخر الجمّ حالي لو رميت المحال

اسم واضح وناصح حول كل اتجاه=البلا والجلا في اللي ورى السد طال
القضايا تميزها عقول القضاه=لاتظن وتهقوا وانت قاصر حبال

الكتاب المغرّى وجه ولا قفاه=ماتحصل جوابه ضاع وسط السؤال
بندقٍ ثايره والذيب محدٍ رماه=ماعرفت الكبود ولا عرفت الطحال