الصندوق الاسود !!

[سعود البرقاوي]

اخواني
لست بشاعر
انما مجرد محاولة اتمنى تمريرها
بأي طريقة كانت

من عادتي مانيب أحب اهل السواليف الكبار=ولا اعترض في سالفة تخفى علي اسبابها
اسمع واميّز واتنقى فالطوال وفالقصار=حاجة تجوز وحاجةٍ ترجع على اللي جابها
واصمت ولا انشد ويش صار وكيف صار وليش صار=مالي دخل وش صار فالاصحاب بين اصحابها
اللي تجي خلف الستار تروح من خلف الستار=تروح عني ما التفت فيها واقفّل بابها
قررّتها من نظرتي واصبت في صنع القرار =قرار عاقل يكرم اللحية وروس اشنابها
هذه شريحة من شرايح مجتمعنا باختصار =كلٍ يزّهب بندقه لا زان له مضرابها
اعوذ بالله من لسانٍ شغلته يقدح شرار =وناسٍ على الفتنة تحد ضروسها وانيابها
ناسٍ لعل الله يحمانا تزيد النار نار =والنار تبغى واحدٍ ينفخ على مشهابها
استغفر الله واشكره في سر والا في جهار =والوذ به في ساعة كلٍ يحسب حسابها
ماودي اسهب واخذ العبرة برد الاعتبار =من قصةٍ فيها العجب للي يبا يقرى بها
والمعذرة يا قابلين العذر حان الاعتذار=العذر طيّب من رياجيلٍ عريب انسابها
صحيح لي وجهة نظر كانت تعيش الانتظار=واليوم قامت واستقامت واعتدل هندابها
سيرة طويلة والمسيرة دوب سارت فالمسار=حسب النظام وحسب تقدير العرب واعجابها
لاهب نسناس الهوى من وجهته ثم استدار=يبا يشيل الخيمة ام اطناب هي واطنابها
والمزنه اللي مع مذر الشمس قدام النهار=همالها في ديرةٍ قامت تسيل اشعابها
حظ اللقية والهدية والمنيحة والحوار =وحظ الجمال اللي مع الطرقة تعوج ارقابها
والطايرة طارت وطاحت فوق رادار المطار=سرعة جنونية وشرهتها على ركابها
في داخل الصندوق الأسود خشم ذيب وخشم فار=يا هجرةٍ تشابهت فيرانها وذيابها
حزب اليمين يصرّح انها من قبل حزب اليسار=وحزب اليسار ارخى على العورة طويل اثيابها
دبرة وخبرة واستشارة وارده للمستشار =عاش الحياة الجارية واقبل بها واقفى بها
أفكار حصرية تطبّق في نطاق الاحتكار=سيناريو يمضي كما جنبيّته ونصابها
الضحك واجد و البلا فالحنجرة مثل الزرار=والكارثة فالعين مير العين وين أهدابها ؟
أكل عليها الوقت وانهارت من آثار الغبار=ما باقي ألا شكلها وعروقها وأعصابها
والقنبلة باقي عليها ضغط ويصير انفجار=ريموتها في حجرةٍ نسمع نعيق غرابها
ازرى بها حمزة وفرده عادته لا ثار ثار =يا اما على جنحانها والا على مخلابها
الكل يدري وش حصل هاك السنة في قندهار=والمقبلة سود الليال الغايبه تسعى بها
حضر التجول يتفق مع شكل تشديد الحصار =لو التجول كلمةٍ كلٍ يعرف إعرابها
اللي مع قوة وله قدرة وله قدر ووقار=لا عاد يا من جيرة العقرب وجيرة دابها
الشك فالاسم الحقيقي قبل الاسم المستعار=بعض الاسامي تنعرف بسطورها وكتابها
على العموم آسف على التطويل يا طوال العمار=والعذر طيّب من رياجيلٍ عريب انسابها

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[عبدالله الجـــذع]

لا اله الا الله

نص شعري فلسفي راقي برقيك وسموك ابو فهد

صح لسانك الى الابد

ونبا نعود على النص مره وثنتين وثلاث

لافض فوك

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فايز بن سرحان الثبيتي]

الله اكبر

ياسعود البرقاوي


شاعر لازال لديه الكثييييييير من الابداع

صح لسانك نص مليئ بالشعر الحقيقي ....


تحيتي لك

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[علي الثبيتي]

انا اشهد انك ابدعت ياسعود صح لساااااااااااااااااااااااانك مليون

التوقيع

ماني بلا روقي ولا برقاوي = انا ثبيتي جد روق وبرقا

[خيال الأصيله]

الله الله


إبدااااااااااااااااع من كل النواحي قصيده وافيه وجزله من شاعر جزل

لا هنت ياسعوووووووووووووووووووووود وصح اللسانك مدد بلا عدد

[نوآف الغنامي]

الله اكبر



سعود البرقاوي ..


هذا الشعر ولاّ بلآش .. لآهنت لآهنت وبيض الله وجهكـ على هالنص الاكثر من راااائع ..



صح لسانكـــ عدد حروف الابداع التي تخطهاااا



وننتظر الجديد ..

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[عمر الدغيلبي]

لا والله ألا شاعر ياسعود وترقا بعال النوايف

صح لسانك يا جزل وبيض الله وجهك

على هذا النص الذي يعجز التعبير عنه

و أخشى أن أنقص قيمته في منحه بعض الإطراءات

لا تحرمنا جديدك يا القرم

احترامي

التوقيع

في منتدى الهيلا زحول الرياجيل = بيت القبيله و النشاما إرواقه يزينه حرصه لزين التماثيل = ويجمله نبذ العلوم الدقاقه

[أبو مرحبا]

أبدااااااااااااااااع ياسعود البرقاوي

صح السانك مدد بلا عدد

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[أبونواف]

صح لسانك ياسعود ..

[سعود البرقاوي]

عبدالله الجذع
مرورك وحضورك يعني لي الشيء الكثير
لاهنت ياشهم