سعود بن عسكر سلايل كحيلان ...... هو ذخر من طيبة على الناس باني

[ابن مشيب]

اليكم قصيدة الشاعر مقبل بن بركي العصيمي , في سعود بن عسكر بن شعيفان العبدلي الشيباني ( ابو ممدوح ) اطال الله في عمرة , وهو يمتدحة لخصالة الحميدة , والقصيدة تعبر عن ذالك:

سلام ياللي صار لطيب عنوان= يامن مشى بالطيب طول الزماني
يمناة غيثاً وبلها صار هتان= ماتملكة يعطية والعمر فاني
ماهمتة دنياة والوقت لو شان= مثل الجبل في كل حيناً وشاني
رجلاً كريماً والكرم صار له شان= له شهرةً مابين قاصي وداني
صيتة مشى مابين حضرن وبدوان= ونجمة بداء كنة سهيل اليماني
سعود بن عسكر سلايل كحيلان= هو ذخر من طيبة على الناس باني
عودً رباة وعلمة كل ماكان= انشهد انة ورثة بالمكاني
بيت الشعر مفتوح للناس صيوان= كلاً يعرفة ماخفى مودماني
النار مشبوبة غرض كل بردان= لو هبت الشملة لها جو ثاني
في مجلساً مدهال ذربين الايمان= زحول الرجال معربين المجاني
ودلال مصفوفة على النار رسلان= مبهرة بالهيل والزعفراني
برية تبعد خوى كل ضرمان= كيف الرجال بكل وقت وزماني
والعود الازرق حاضر بكل الاحيان= يضفي على المجلس شعور الطماني
الضيف اله ماجوب حيلاً وخرفان= يقلط على الكرمات وسط الصياني
معروف أبو ممدوح من دون تبيان= حرً على صيدة يحب السماني
يفرح ليا قالو مسايير ضيفان= ويفرح بشوفة صاحبة والعواني
وهو رفيق ومقصد لكل الاخوان= الصاحب الي دايماً مرحباني
لبس على راسة من الطيب تيجان= يستاهل البيضاء عريب المجاني
ارتاح ليا جيتة وانا قبل زعلان= كم مرةً جيتة من البعد عاني
حرً ليا جيتة نفض كل الاحزان= حرً ليامنة شمخ صيرماني
هي عادت الاحرار في كل الازمان= دايم سوى والعمر عدة ثواني
هذا وانا قلتة وللقول برهان= ومن لايقيس العلم عدة هداني
اقول شعراً مانبيعة بالاثمان= ولاني بمداحاً كذوب اللساني
صغت المعاني صوغ جوهر ومرجان= واعدها بالكف عشر وثماني
واليا كتمل وزنتها وسط ميزان= واهديتها بالشرط قبل الضماني
لاشعشعت قامت تشكل بالاوان= مثل الجواهر في يدين الغواني
قصيدةً فيها مع الورد ريحان= وفيها مع العنبر زبادً عماني
يقولها مقبل بن بركِي زيدان= الشاعر الي صاغ حلو المعاني
ثلاثين بيتاً قلتها دون نقصان= رفعتها عن كل نقص وطماني
وصلو على المختار من نسل عدنان= محمد الي مسكنة بالجناني

الشاعر/ مقبل بن بركي بن زيدان العصيمي العتيبي

[فرهودي]

	معروف أبو ممدوح من دون تبيـان=حرً علـى صيـدة يحـب السمانـي صح لسان الشاعر مقبل بن بركي العصيمي وشكرا ابن مشيب على نقلك لمثل هذه القصائد الجزلة.. لاهنت

[داهية عتيبة]

الله الله



مشكوووور أخوي ابن مشيب


وصح لسان الشاعر



تحياتي..

[((الدلبحي))]

تسلم يابن مشيب

صح السانك والسان الشاعر

تقبل تحياتي

[فيصـل العضياني]

لاهنت يابن مشيب

صح السانك والسان الشاعر

ماقصرت

[ابن مشيب]

اخي العزيز/ فرهودي

نورت المشاركة بمرورك , وزدتها جمالاً بكلماتك الرائعة , وسعدت عندما وجدت اسمك خفاقاً بين المعلقين , كما اشكرك على مرورك المتواصل........



تحياتي........

[ابن مشيب]

اخي العزيز/ داهية عتيبة

الشكر موصول لك ياداهية عتيبة على تواصلك المستمر , اسعدني مرورك وردك الكريم , ولاتحرمنا تواصلك الرئع والجميل............


تحياتي.........

[ابن مشيب]

صديقي العزيز/ ((الدلبحي))

الله يسلمك من النار والعذاب , اسعدني مرورك وتنويرك لهذة المشاركة , كما اشكرك على ردك الرائع , وانت جزل وماترد الى على الجزل , ولاتحرمنا تواصلك الجميل.........


تحياتي.......

[ابن مشيب]

اخي العزيز/ ((الروقي))

الله لايهينك وعسى الله يطول عمرك , وصح بدنك يالروقي , واشكرك على مرورك وردك الرائع..........



تحياتي............

[@عريب الساس@]

صح لسان الشاعر/مقبل العصيمي, وتسلم يمناك يابن مشيب على النقل واختيار

موفق ، ونعم بسعود بن عسكر بن شعيفان العبدلي الشيباني

ويستاهل ابو ممدوح,,


اخوك /
@عريب الساس@