( للطيب بيْاع ) لكن ..!!!

[بدرالهبيري]

السلام عليكم ورحمة الله وبركاته ..



اخواني واحبائي اعضاء منتدى الهيلا عتيبه
اقدم لكم هذه القصيده الجديده واتمنى ان
تنال اعجابكم اخواني الكرام ..

ياطير رفّ الجناح وفارق الديـــره=لاواهنيْك ليا قفــّيت متسامي
ماهوبـ .. مثلي حبيس الهم والغيره= مابين نزف القصيد .. وجرحي الدامي
أنوح نوح الحمام ان مرْت السيره= مير البلا رميتن جتني بلارامي
في وسط قلبي على ماصابني نيره = وقودها من ضلوع الصدر واعضامي
الله واكبر على الشكات والحيره=من وين اسوق القدم تمر قدامي
لكن عساها يبو وجهين لي خيره = وانا عليها مضيت اِبّصّمة ابهامي
ولاني بجاهل حقوق القرب والجيره =لاشك هذي دواها قطع الارحامي.!!
خمّن وتلقى مع العربان تشفيره = واِعرف من اللي بدى تشفير الارقامي
لاماقضيت الحياه بدق تآشيره=محرم من السيل لو ماطفت بحرامي
عشت الحياه التعيسه شبه تصبيره=واخذت درس(ن) جزاه الصبر وايلامي
واطيب من الدرس تهليله وتكبيره=من منطلق ربطها بالدين الاسلامي
ماللشكاوي مجال ولابها عيره=دام الهدف لابخصنا غايته سامي
وبكسر خاطر ترى ماتفيد تجبيره=ماينجبر خابره حتى بالاحلامي
للطيب بيْاع لكن دون تسعيره = والناس قالوا لنا ماطاب مادامي

وسلامتكم يالغالين ..

تحياتي وتقديري .. بدرعيد ..

[أبو صقر]

صح لسانك وطاب فالك






تحيتي ........

[معجب العتيبي]

صح لسانك

قصيده رائعه واسلوب رائع

ننتظر الاجمل

التوقيع

[بدرالهبيري]

اخوي الغالي سطام روق ونعم عز الله
وصح بدنك يالغالي ..
تحياتي وتقديري .. بدرعيد ..

[الـذيب]

صح لسانك أخوي بدر عيد ..

[بدرالهبيري]

الغالي معجب العتيبي صح بدنك
والروعه حضورك لاهنت ..
تحياتي وتقديري .. بدرعيد ..

آخر تعديل بدرالهبيري يوم 23-Apr-2008 في 11:40 PM.

[بدرالهبيري]

الذيب يالهلا بك يالغالي وصح بدنك ..
تحياتي وتقديري .. بدرعيد ..