الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   ( للطيب بيْاع ) لكن ..!!! (http://www.otaibah.net/m/showthread.php?t=68310)

بدرالهبيري 20-Apr-2008 11:08 PM

( للطيب بيْاع ) لكن ..!!!
 

السلام عليكم ورحمة الله وبركاته ..



اخواني واحبائي اعضاء منتدى الهيلا عتيبه
اقدم لكم هذه القصيده الجديده واتمنى ان
تنال اعجابكم اخواني الكرام ..



ياطير رفّ الجناح وفارق الديـــره=لاواهنيْك ليا قفــّيت متسامي
ماهوبـ .. مثلي حبيس الهم والغيره= مابين نزف القصيد .. وجرحي الدامي
أنوح نوح الحمام ان مرْت السيره= مير البلا رميتن جتني بلارامي
في وسط قلبي على ماصابني نيره = وقودها من ضلوع الصدر واعضامي
الله واكبر على الشكات والحيره=من وين اسوق القدم تمر قدامي
لكن عساها يبو وجهين لي خيره = وانا عليها مضيت اِبّصّمة ابهامي
ولاني بجاهل حقوق القرب والجيره =لاشك هذي دواها قطع الارحامي.!!
خمّن وتلقى مع العربان تشفيره = واِعرف من اللي بدى تشفير الارقامي
لاماقضيت الحياه بدق تآشيره=محرم من السيل لو ماطفت بحرامي
عشت الحياه التعيسه شبه تصبيره=واخذت درس(ن) جزاه الصبر وايلامي
واطيب من الدرس تهليله وتكبيره=من منطلق ربطها بالدين الاسلامي
ماللشكاوي مجال ولابها عيره=دام الهدف لابخصنا غايته سامي
وبكسر خاطر ترى ماتفيد تجبيره=ماينجبر خابره حتى بالاحلامي
للطيب بيْاع لكن دون تسعيره = والناس قالوا لنا ماطاب مادامي


وسلامتكم يالغالين ..

تحياتي وتقديري .. بدرعيد ..

أبو صقر 21-Apr-2008 01:41 AM

صح لسانك وطاب فالك






تحيتي ........

معجب العتيبي 21-Apr-2008 11:00 AM

صح لسانك

قصيده رائعه واسلوب رائع

ننتظر الاجمل

بدرالهبيري 21-Apr-2008 11:02 PM

اخوي الغالي سطام روق ونعم عز الله
وصح بدنك يالغالي ..
تحياتي وتقديري .. بدرعيد ..

الـذيب 22-Apr-2008 08:23 AM

صح لسانك أخوي بدر عيد ..

بدرالهبيري 23-Apr-2008 11:26 PM

الغالي معجب العتيبي صح بدنك
والروعه حضورك لاهنت ..
تحياتي وتقديري .. بدرعيد ..

بدرالهبيري 24-Apr-2008 10:29 PM

الذيب يالهلا بك يالغالي وصح بدنك ..
تحياتي وتقديري .. بدرعيد ..


الساعة الآن »01:03 PM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd