الهروج العوج

[عايض التوم]

::

الغلطه اللي على الأوراق مطبوعه= اللي على الهامشي تطبع مطابعها
مهيب ممنوعه ولاهيب مشروعه=ولا نعرف نهاية الكلمه ومطلعها
غلطات وأثمانها مهيب مدفوعه= لاكن ليت الصحافه ما تشجعها
اللي كتبها فؤاده يدحم ضلوعه= خطر عليها مع جنوبه يطلعها
هو يحسبنه كتب للناس موسوعه= ما يدري أنه يبى السنعه وضيعها
واللي يترجم علوم الغاوي أطبوعه= طبايع الناس غالبتن تطبعها
لو الأفندي عرف كوعه وكرسوعه= ان كان نفسه عن الهفوات طلعها
يا كثر ما بذنا فالصحف من نوعه= و لا تبلش العالم الا من مصدعها
الناس شيماتها هالوقت منزوعه= سلوم الأجداد تال الجيل ضيعها
هبت عليهم رياح الغرب قالوعه= أجتاحت الشرق الأوسط في طلايعها
أرياح من زمرة الكفار مصنوعه= موجهه للعرب حتى تفرقعها
صار العرب بعدها بقلوبهم روعه= والفارس المفترس فعلا مروعها
والمصلحه تالي الأيام مطموعه= موت ظماير بني يعرب طمايعها
كلن على قد مصلحته وموضوعه= الناس من شان مصلحته يصانعها
واللاش صوته رفيع وخط مشفوعه= فرقاعة كل من جاها يفرقعها
يعيش في ديرة بالخيل مرجوعه = تضفي عليها الرفاهيه مدارعها
والقرم كبده بتال الوقت مفلوعه= قست عليه الظروف اللي يقارعها
جاته من الوقت مثنيه ومربوعه= الهم الأدهم فناجيله تجرعها
كمل له اللي بقا لوعه ورى لوعه= في كل ليله وغاراته يبرقعها
ان حط مشروع حاس الوقت مشروعه= والنفس بعض القناعه ما تقنعها
ان كان سل السيوف وصفت جموعه= هجمت صواريخ توماهوك تفجعها
مع العلوم القديمه طايرن شوعه= جداه بعض اللحون اللي يرودعها
والله يا لولا لقول علوم مسموعه= أقول حتى حبال الصوت أقطعها
لو منهل المعرفه ما جف ينبوعه= والمعرفه ما روينا من منابعها
والحق سلطان والرايات مرفوعه= يوم الشريعه مقومتن شرايعها
لاكن ليت الهروج العوج ممنوعه = ومشكلن لجنة تنظر وتردعها

::

أخوكم

عايض التوم

[محمد العتيبي]

حقيقه كل بيت احلى من الثاني
ماقدرت اقتبس لي بيت معين ولكن ياعايض
لاتحرمنا من روائعك ..
...

مثل ماقال مرزوق
صح لسانك مدد بلا عدد ..
...

التوقيع

للتواصل عبر twitter تويتر al_bargawy@

[ياسرالثبيتي]

ابيات في قمة الروعه
رائعه جدا
صح لســـــــــــــانك
مشكور اخوي

عايض التوم
يعطيك الف الف عافيه

[محب الهيلا]

صح لسانك

مشكور وماقصرت

[عبدالرحمن الهيلوم]

مشكوووووووور يالغالي صح السانك

[الحنتوشي ساجر]

ابيات في قمة الروعه

صح لســـــــــــــانك

وبيض الله وجهك

[معلا إبراهيم الأسعدي]

صح لسانك مدد بلا عدد

التوقيع

[هايل الهيلا]

الاخ عايض التوم


صح السانك ويعطيك الله العافيه

والي الامام

[عايض التوم]

بيض الله وجيهكم جميعا على المرور وهذا من طيب ذاتكم وبعد نظراتكم

[أبو نجر النفيعي]

..

عايض ...

ابداع وجزله يالغالي .. صح لسانك ملايين ..



أخوك

التوقيع

.....