يا ليت كل اصحابنا مثل سلطان

[علي فلاح العضياني]

يا ليت بعض اصحابنا مثل سلطان=ما ينكر المعروف في ظرف ليله
انا اشهد انه من طويلين الايمان=اللي مواقفهم تعز القبيله

التوقيع

(( رأس الحكمه مخافة الله ))

[أبو نجر النفيعي]

..

صح لسانك يالغالي ..

والليل الليل ..

.

التوقيع

.....

[سلطان الجـذع]

ماني بحاجة مدحة فلان وفلان =مدام منزالي براس الطويله
دام الضمير بصامل العلم مليان =ابا اتخير فالعلوم الجزيله

[علي فلاح العضياني]

لا يخلفك عن منهج الحق شيطان=اسمع نصايح كاسبين الجميله
حنّا ترانا كلنا ربع واخوان=حمّلت نفسك بالحمول الثقيله

[علي فلاح العضياني]

ابو نجر لاهنت يالغالي

[سلطان الجـذع]

قبل امس انا واخوك في وسط ميدان =لكن هج مقرط في شليله
عز الله انا ماحسبناه جابان =لكن بان مع الليالي حصيله

[أبو نجر النفيعي]

..

صح السنتكم ...

شعراء تجبرونا على المتابعه ..


.

[علي فلاح العضياني]

انته وراك تروغ يالذيب سرحان=اللي مع الغدرى يوامي بذيله
الدرس له يا واسع العرف عنوان=ماله مثيل ولا ندوّر بديله

[نايف بن ملحق الثعلي]

صحت السنتكم شعار مافيكم حيله
يا سلطان الجذع ويالفالح

[سلطان الجـذع]

حنا نرجح بالوفاء كل ميزان = وانته ترجع فالجزيله هزيله
مالي ومال الناس ياطير حوران =لاخير فاللي مايقدر زميله