يا ليت بعض اصحابنا مثل سلطان=ما ينكر المعروف في ظرف ليله
انا اشهد انه من طويلين الايمان=اللي مواقفهم تعز القبيله

ماني بحاجة مدحة فلان وفلان =مدام منزالي براس الطويله
دام الضمير بصامل العلم مليان =ابا اتخير فالعلوم الجزيله

لا يخلفك عن منهج الحق شيطان=اسمع نصايح كاسبين الجميله
حنّا ترانا كلنا ربع واخوان=حمّلت نفسك بالحمول الثقيله

قبل امس انا واخوك في وسط ميدان =لكن هج مقرط في شليله
عز الله انا ماحسبناه جابان =لكن بان مع الليالي حصيله

انته وراك تروغ يالذيب سرحان=اللي مع الغدرى يوامي بذيله
الدرس له يا واسع العرف عنوان=ماله مثيل ولا ندوّر بديله

حنا نرجح بالوفاء كل ميزان = وانته ترجع فالجزيله هزيله
مالي ومال الناس ياطير حوران =لاخير فاللي مايقدر زميله