يامل قلب من عنى الوقت غنا=للشاعر عياد سمران السيحاني

[صقر الجزيره]

يامل قلبً من عنى الوقت غنا = حده زمانه للعنى والبهاذيل
لا قلت ياقلبي وش اللي تكنا = قال أنت تدري وش بقلبك من الويل
قلت الهوى قال الهوى ما شحنا= ولأهمني حب الرموش المظاليل
ولأهمني لوالعذاراء فتـننا = ولا همني لو يلبسن الخلاخيل
قال أنت تدري وأسمع العلم منا = قلبك هواه منومسات الرياجيل
عوج الرقاب اللي منول لهلنا = اللي كسبوها من شيوخً مشاكيل
ماجت بحب خشوم بالفعل جنا = بحدب السيوف المرهفات المصاقيل
واليوم أشوفك باركن يا جملنا = وأنته منول تنقل الحمل وتشيل
قلت الجمل يا قلب حده زمنا = ولوهي بفعل أذراع لقدم على الخيل
رح أنشد التاريخ ينبيك عنا = ويعطيك علمٍ واضحٍ دون تظليل
ويشهد لنا واد الرشا كم زبنا = لا جاء نهارٍ طايح القوم ماشيل
وابو دخن والنير يشهد وحنا = آلاد روق أليا عصى كل حلحيل
وعلى الشعيفيه فعولً شفنا = يومً على العدوان أسود من الليل
ويشهد لنا نجد المسمى وحنا = نسبق على العليا وشرب الفناجيل
واليوم يا قلبي كفى ما تمنا = الطيب اللي يملك القرش وبخيل
وانا على اللي تهتوي ما تونا = ولا لي على المكتوب دبره وتبديل
والحمد للي عزنا في وطنا = في ظل أبو متعب زعيم الحلا حيل
عشنا بأمان الله وجوده وأمنا = ونعلن ولانا للوطن جيل من جيل

وسلامتكم

[أبو مرحبا]

صقر الجزيرة


قصيدة رائعه


صـــــح الــــســــــــــــــــانك

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[خلف بن مرزوق]

...
..

بيض الله وجهك ياصقر

قصيدة في قمة الجزااااالة

(تنقل لقسم : شعراء قبيلة عتيبة)

مودتي

.

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[راع العرجا]

صح لسانك ياصقر ولسان الشاعر وبيض الله وجهك على ها القصيده الجزله

[ابـن نـعـيـس]

صح لسانك ولسان السيحاني


رائعه من رائع



تحياااااااااااااااااااااااااتي

التوقيع

[مطر]

صقر الجزيره

قصيده معبره سلمت على الاختيار الرائع


وصح لسان السيحاني

[يوسف السيحاني]

صح لسانك يا صقر ولسان ولد خالي العزيز



(( عـــيـــاد بن ســـمــران السيحاني ))



ولا هنت يا صقر الجزيره


|194| قصيده رائعه |194|



تحيااااتي

[سيحان]

لك جزيل الشكر ياصقر الجزيره



وصح لسان شاعرنا

[الشقراوي]

صح السان الشاعر الرائع والمبدع الشاعر عياد بن فيحان بن عياد السيحاني الروقي العتيبي
الملقب (ابن سمران)
وتسلم يمينك ياصقر الجزيره على النقل الرائع ولاهنت وتحياتي للجميع

|194| |194| |194| |165|

[جراح الروقي]

صح لسانك ياصقر الجزيره

وصح لسان الشاعر السيحاني

مع اطيب تحياتي