ياعتيبه صاحبي عبدالله الاصعر علامه // الاصعر لاهنت

[ماجد العصيمي]

السلام عليكم ورحمة الله

ياعتيبه صاحبي عبدالله الاصعر علامه=مايجي نجد العذيه كل وقته فالمحاني
بين تحقيق الطموح وفزعة الخال وعمامه=الفلك دوار ماحدن عالمن غيب الزماني

[عبدالله الاصعر]

مرحبا حياك الله يالشبل

ياعتيبه شبلكم نايم وغارق في منامه=لكن اقرو فوقه الاخلاص والسبع المثاني
ماطمعتو فالشداد,,, ولا طمعنا فالمسامه=والفلك مابين سبع عجاف مع سبع (ن) سماني

التوقيع

ربعي كما الحيد الطويل النايف=ارقاء براسه وانسدح في ضله ليا بنو بنيً على مقلطهم=يبنون بنيً ماحد(ن) يفله الشاعر/عبدالمعين الثعلي رحمه الله al-aser11@hotmail.com

[ماجد العصيمي]

لاتقول انك تطوف الدار من شرقه لشامه=ياحصان القوم اهلك مجودينك بالعناني
لوتقول الدرب سالك قلت يامال السلامه=وانت لوقلت لك كلمه ياصحيبي ماتداني

[عبدالله الاصعر]

انت ماشفتك مع الفريس في حرب الرغامه=ون نشدتك قلت خايف عشري تعود ثماني
يابعير (ن) خالق ربي على متونه سنامه=منك عنتر يختلف لو هو من طوال اليماني

[مشهور الحربي]

ابدااااع والصفوف ازهلوها

[ماجد العصيمي]

كل شاوي مايهمه غار خبزه واليدامه=مايعرف اهل الزعامه والحرابه والسناني
انت مسرع مار ساهر كاشفك ليه نظامه=والصراحه كم رقابن راحت بزلة لساني

[عبدالله الاصعر]

العرب يدرون بالشاوي من اصحاب الزعامه=مير يالشاوي مكانك روح له وترك مكاني
وهدام البيت منك انته ومثلك وهدامه=غير مستور بن تركي مايجي مستور ثاني

[ماجد العصيمي]

لوتجي صاحب معالي مغرقك في نص قامه=لاتعيد الهرج يارجال وتصم الاذاني
ليت في بيت القضا رجال يفتك الجهامه=كان عبدالله ماطنب بالصياح وجاك عاني

[عبدالله الاصعر]

الشجيع اللي لبس تاج الفخر وأخذ وسامه=يشهدون الناس اله ,,,بالطيّبه قاصي وداني
اترك الصايم بحاله قبل يفطر من صيامه=ثم فالميدان ماتاخذ معه عشر الثواني

[ماجد العصيمي]

في هذاه الوقت حتى البنت ترخي فاللثامه=مالنا حيله هذا حكم الزمان القلباني

شكرا لتلبية الدعوه وتصبح على خير