ياعتيبه صاحبي عبدالله الاصعر علامه=مايجي نجد العذيه كل وقته فالمحاني
بين تحقيق الطموح وفزعة الخال وعمامه=الفلك دوار ماحدن عالمن غيب الزماني

ياعتيبه شبلكم نايم وغارق في منامه=لكن اقرو فوقه الاخلاص والسبع المثاني
ماطمعتو فالشداد,,, ولا طمعنا فالمسامه=والفلك مابين سبع عجاف مع سبع (ن) سماني

لاتقول انك تطوف الدار من شرقه لشامه=ياحصان القوم اهلك مجودينك بالعناني
لوتقول الدرب سالك قلت يامال السلامه=وانت لوقلت لك كلمه ياصحيبي ماتداني

انت ماشفتك مع الفريس في حرب الرغامه=ون نشدتك قلت خايف عشري تعود ثماني
يابعير (ن) خالق ربي على متونه سنامه=منك عنتر يختلف لو هو من طوال اليماني

كل شاوي مايهمه غار خبزه واليدامه=مايعرف اهل الزعامه والحرابه والسناني
انت مسرع مار ساهر كاشفك ليه نظامه=والصراحه كم رقابن راحت بزلة لساني

العرب يدرون بالشاوي من اصحاب الزعامه=مير يالشاوي مكانك روح له وترك مكاني
وهدام البيت منك انته ومثلك وهدامه=غير مستور بن تركي مايجي مستور ثاني

لوتجي صاحب معالي مغرقك في نص قامه=لاتعيد الهرج يارجال وتصم الاذاني
ليت في بيت القضا رجال يفتك الجهامه=كان عبدالله ماطنب بالصياح وجاك عاني

الشجيع اللي لبس تاج الفخر وأخذ وسامه=يشهدون الناس اله ,,,بالطيّبه قاصي وداني
اترك الصايم بحاله قبل يفطر من صيامه=ثم فالميدان ماتاخذ معه عشر الثواني

في هذاه الوقت حتى البنت ترخي فاللثامه=مالنا حيله هذا حكم الزمان القلباني