هذي قصيدة متواضعة حبيت اشارك بها ...
ملاحظة : (( اي واحد عنده ملاحظة على القصيدة يكتبها هنا ... لأني ماكتبتها هنا الا للنقد .. ارجو رجاء
خاص ... المجاملة ممنوعه ..))
نظمت لي خمسة نصايح عجيبة = ماتعجز الطيب ليامن طلبها
الاولة حاسب لقول تجيبه = والطيب اليا جاب كلمة حسبها
اما يقول وتحتسب من نصيبه = ولا على راسه رجال تحسبها
والثانية خاو الشهم واقتديبه = ياحظ من خاوى رجال وكسبها
الرجل تعرف شيمته من صحيبه = ولا الردي خيب عرب مصطحبها
والثالثة حذرا يغرك بطيبه = حلو الدهر والفانية تنغربها
عمر الفتى لوطال لازم تصيبه = سهوم المنايا ماحدن جاهلبها
والرابعة شايبك في وقت شيبه = مثل الجواهر والكنوز اكتسبها
اما تسير بنهجه وتهتديبه = ولا تضيع بضاعة اللي جلبها
والخامسة كل مكلف رقيبه = شاهد عليه وكل زلة كتبها
اما نعيم وسط جنات طيبة = ولاطعام للجحيم وحطبها
هذي نصايح من حبيب لحبيبه = درب السعادة يامدور سببها
« آخـــر الـــمـــشـــاركــــات »
23-Jan-2010, 07:50 AM
خمسة نصايح .. قصيدة متواضعة ..!!
العرض الشجري