نظمت لي خمسة نصايح عجيبة = ماتعجز الطيب ليامن طلبها
الاولة حاسب لقول تجيبه = والطيب اليا جاب كلمة حسبها
اما يقول وتحتسب من نصيبه = ولا على راسه رجال تحسبها
والثانية خاو الشهم واقتديبه = ياحظ من خاوى رجال وكسبها
الرجل تعرف شيمته من صحيبه = ولا الردي خيب عرب مصطحبها
والثالثة حذرا يغرك بطيبه = حلو الدهر والفانية تنغربها
عمر الفتى لوطال لازم تصيبه = سهوم المنايا ماحدن جاهلبها
والرابعة شايبك في وقت شيبه = مثل الجواهر والكنوز اكتسبها
اما تسير بنهجه وتهتديبه = ولا تضيع بضاعة اللي جلبها
والخامسة كل مكلف رقيبه = شاهد عليه وكل زلة كتبها
اما نعيم وسط جنات طيبة = ولاطعام للجحيم وحطبها
هذي نصايح من حبيب لحبيبه = درب السعادة يامدور سببها

المشاركة الأصلية كتبت بواسطة عيد بن مرضي (المشاركة 980473) يا سلام يا سلام يا الدجيماء صح لسانك لين ترضى ابك هاذي متواضعه لا بالله هاذي معلقه يا رجل نصايح طيبه من رأس طيب اظهر المخبى يا الدجيماء وعطنا جديدك لا عدمناك :)

المشاركة الأصلية كتبت بواسطة عيد بن مرضي (المشاركة 980480) ووجهك ابيض يا الدجيماء والله إنها قصيده وافيه فوق النقد والثقه مطلوبه يا الغالي :)

المشاركة الأصلية كتبت بواسطة سيف المساعيد (المشاركة 980485) الدجيماء صح لسانك ولاهنت يالذيب

المشاركة الأصلية كتبت بواسطة نمرً المقآطي ] ’ (المشاركة 980507) [[ غـير ظآآهر ]] !!